ډونالډ ټرامپ: ایران له ۴۷ کلونو راهیسې له امریکا او نړۍ سره لوبې کوي
د امریکا ولسمشر ډونالډ ټرمپ وایي، چې ایران له تېرو ۴۷کلونو راهیسې له امریکا او د نړۍ له نورو هېوادونو سره «لوبې» کړې دي.
د امریکا ولسمشر ډونالډ ټرمپ وایي، چې ایران له تېرو ۴۷کلونو راهیسې له امریکا او د نړۍ له نورو هېوادونو سره «لوبې» کړې دي.
ټرامپ په ټروت سوشل خواله رسنۍ کې لیکلي: «جمهوري اسلامي ۴۷کاله امریکا او نور هېوادونه معطل ساتلي او زموږ خلک یې د سړک غاړې بمونو په بریدونو کې وژلي دي.»
هغه د پخواني ولسمشر بارک اوبامه د واکمنۍ پر مهال د لاسلیک شوي اټومي تړون په اړه هم نیوکه کړې او ویلي یې دي چې ایراني چارواکو کلونه کلونه امریکا «سرګردانه» ساتلې ده.
ټرمپ ادعا کړې چې د ایران حکومت اعتراضونه ځپلي او «۴۲زره بېګناه او بېوسلې معترضان» یې وژلي دي.
نوموړي زیاته کړې: «هغوی پر هغه امریکا خندل چې اوس یو ځل بیا ستره شوې ده، خو نور به ونه خاندي.»
د هغه دا څرګندونې داسې مهال کېږي چې د امریکا او ایران ترمنځ سیاسي او امنیتي ترینګلتیا لا هم دوام لري.
