ایران وایي د سولې لپاره یې د امریکا وړاندیز ته ځواب استولی
ایران ویلي چې د جګړې د پای ته رسولو لپاره یې د امریکا د سولې وړاندیز ته خپل ځواب استولی دی. د ایران دولتي خبري اژانس راپور ورکړی چې تهران خپل ځواب پاکستان ته سپارلی، ځکه دغه هېواد د منځګړي رول ترسره کوي.
راپور وایي، امریکا وړاندیز کړی و چې لومړی دې جګړه ودرول شي او وروسته دې د ایران د اټومي پروګرام په څېر لانجمنو موضوعاتو خبرې پیل شي.
تر اوسه د ایران د ځواب جزئیات نه دي خپاره شوي.
