ایرانانټرنشنل د نړیوالو ډیجیټلي رسنیو په جایزو کې څلور مهمې جایزې وګټلې
د نړیوالو ورځپاڼو د خپروونکو ټولنې (WAN-IFRA) د اعلامیې له مخې، د منځني ختیځ د ډیجیټلي رسنیو د۲۰۲۶ کال سیالیو کې د ایراناینټرنشنل بېلابېلې پروژې بریالۍ اعلان شوې. په دغو پروژو کې «میډیا بات»، د «ښځه، ژوند، ازادي» کمپاین او نورو په بېلابېلو برخو کې جایزې ګټلې.
د «زن، زنده ګی، ازادي» کمپاین د یوې خبري نښې لپاره د غوره بازارموندنې جایزه ترلاسه کړې ده. د پرېکړه کوونکو په وینا، دا پروژه دنوښت ، اغېز او پراخو مخاطبینو له امله ستایل شوې.
«۱۲ ورځنۍ جګړه کې د اسراییل د اهدافو تعاملي نقشه» پروژې بیا د «غوره ډیټا ویژوالیزېشن» په برخه کې جایزه ګټلې ده. دا پروژه د بیلابیلو سرچینو د معلوماتو په کارولو سره پېښې په متقابل ډول په نقشه کې ښيي.
«میډیا بات» چې د ایرانانټرنشنل ټیلیګرام رباټ دی، په دوو برخو کې «نوښتګر ډیجیټلي جوړښت» او «د لیدونکو سره غوره تعامل» جایزې ګټلې دي. دغه ربات د کاروونکو لپاره د خبرونو او څو رسنیزو محتواوو د لاسرسي د اسانتیا لپاره جوړ شوی چې دا پروژه هم د نړیوالې سیالۍ مرحلې ته رسېدلې ده.
د WAN-IFRA نړیوالو جایزو وروستۍ پایلې به روان زیږدیز کال په جون په میاشت کې د فرانسې په مارسی ښار کې د نړیوالې رسنیزې غونډې پر مهال اعلان شي.
یاد سازمان د نړۍ له سترو او معتبرو رسنیزو بنسټونو څخه ګڼل کېږي چې زرګونه خپرندویان او خبري ادارې یې په نړیواله کچه استازیتوب کوي.
