سپینې ماڼۍ ایلان ماسک او کوک ته بلنه ور کړې چې د ټرمپ د چین د سفر ملګري شي
سپینې ماڼۍ د ټېسلا مشر ایلان ماسک او د اپل شرکت اجرایه رییس ټیم کوک ته بلنه ورکړې چې چین ته د ډونالډ ټرمپ په مشرۍ د تلونکي پلاوي ملتیا وکړي.
د بلومبرګ د راپور له مخې، په دغه پلاوي کې د امریکا د سترو مالي او ټکنالوژۍ شرکتونو یو شمېر مشران هم شامل دي، څو د چین له ولسمشر شي جین پینګ سره د ټرمپ د لیدنې پر مهال د سوداګریزو او اقتصادي همکاریو پر پراختیا خبرې وکړي.
راپور زیاتوي چې دغه سوداګریز مشران ددې لپاره ځي چې د امریکا او چین ترمنځ د سوداګریزو هوکړو او پانګونې نوي فرصتونه رامنځته شي.
رویټرز ویلي، چې یادو شرکتونو تر اوسه په دې اړه رسمي تبصره نه ده کړې.
چینايي رسنیو هم اعلان کړی چې ډونالډ ټرمپ به د مې له ۱۳مې تر ۱۵مې پورې چین ته رسمي سفر وکړي.
