سیول: هرمز تنګي کې د سویلي کوریا په کښتۍ کې اورلګېدنه د بهرنیو بریدونو له امله وه
سویلي کوریا اعلان کړی، چې هرمز تنګي کې د دغه هېواد په یوې بار وړونکې کښتۍ کې اورلګېدنه د بهرنیو بریدونو له امله رامنځته شوې ده. بلومبرګ خبري شبکې لیکلي: «دا د یادې پېښې په اړه د سیول لومړنۍ څرګندونې وې؛ خو دا چې دغه برید د چا لهخوا شوی، په دې اړه یې له څه ویلو ډډه کړې ده».
د سویلي کوریا د بهرنیو چارو وزارت ویلي، د دوی څېړنو ښودلې چې توغندیو ته ورته دوه «ناپېژندل شوي هوايي شیان» د غویي په ۱۴مه د نامو کښتۍ په پورتنۍ برخه ولګېدل.
