شپږ نړۍوال مډالونه؛ د بلاروس په سیالیو کې د افغانستان د پاورلفټېنګ تاریخي بریا
د افغانستان پاورلفټېنګ فدراسیون اعلان کړی، چې د هېواد ورزشکاران د ۲۰۲۶کال د پاورلفټېنګ په نړۍوالو سیالیو کې ښه ځلېدلي، افغانستان ته یې شپږ بېلابېل مډالونه ګټلي او په نړۍواله کچه یې تاریخي ویاړ ثبت کړی دی.
دغه سیالۍ د بلاروس په کوربهتوب د نړۍ د اتو هېوادونو د څه باندې ۶۰۰ ورزشکارانو په ګډون ترسره شوې، چې پهکې د افغانستان د «ډبلیو ار پي اېف» ملي لوبډلې پیاوړی حضور درلود او څلور د سرو زرو، یو د سپینو زرو او یو د برونزو مډال یې ترلاسه کړ.
په دغه سیالیو کې فواد شیرینسخن، جابر شیرینسخن، نوراحمد سخيزاده او میروېس رفیعزاده د سرو زرو مډالونه وګټل. همداراز روحالله خیراندېش د سپینو زرو او حمیدالله حکیمي د برونزو مډال ترلاسه کړ.
د افغانستان لوبډلې په دغه سیالیو کې له شپږو ورزشکارانو او یوه روزونکي سره ګډون کړی و. د ۲۰۲۶کال نړۍوال جام سیالۍ د مئ میاشتې په ۶مه پیل شوې او د همدې میاشتې په ۱۰مه پای ته ورسېدې.
د افغانستان د «ډبلیو ار پي اېف» فدراسیون مسوولینو دغه بریا د هېواد د ورزشکارانو د هڅو، ژمنتیا، باور او زحمت پایله بللې ده. دوی ویلي، افغان ورزشکارانو د ګڼو ستونزو سربېره وکولای شول د افغانستان نوم په نړۍواله کچه ځلانده وساتي.
په ورته وخت کې د «ډبلیو جي سي» سازمان نړۍوال استازي او مشر وحیدالله امیري څخه هم د افغان ورزشکارانو د ملاتړ او همکارۍ له امله مننه شوې ده.
