نعیم قاسم: د تهران او واشنګټن ترمنځ هوکړه کولی شي په لبنان کې جګړه پای ته ورسوي
د حزبالله عمومي منشي نعیم قاسم وایي، د ایران او امریکا ترمنځ هوکړه چې پر لبنان د بریدونو درېدل هم پهکې شامل دي؛ د جګړې د پای ته رسولو لپاره ترټولو پیاوړی انتخاب کېدای شي.
هغه وړاندې ویلي: «موږ له هغو مستقیمو خبرو اترو څخه د وتلو غوښتنه کوو، کومې چې یوازې د اسراییل په ګټه او د لبنان حکومت لهخوا د وړیا امتیازاتو ورکول ګڼل کېږي». د حزبالله عمومي منشي زیاته کړه: «موږ چمتو یو چې د اسراییل د بریدونو درولو او له لبنان نه د دغه هېواد د اېستلو لپاره له حکومت سره همکاري وکړو او موږ د جګړې ډګر پرېښودو ته چمتو نه یو».
