د خیبر پښتونخوا په لکي مروت کې چاودنې ۹ کسان وژلي
نن سېشنبه (د غویي ۲۲مه) د خیبر پښتونخوا د لکي مروت ولسوالۍ په بازار کې چاودنه شوې، چې له امله یې ۹ کسان وژل شوي او ۲۲ نور ټپیان دي. د ځایي پولیسو په وینا؛ په وژل شویو کسانو کې دوه د ټرافیک پولیس هم شامل دي.
عیني شاهدان وايي، چاودنه زوروره وه چې په سیمه کې یې ګڼ موټرونه تخریب کړي او خلکو ته یې مالي زیانونه اړولي دي. د خیبر پښتونخوا د والي دفتر په یوې خبرپاڼه کې دغه چاودنه غندلې او د قربانیانو له کورنیو سره یې غم خواخوږي څرګنده کړې.
په اعلامیه کې د چاودنې د څرنګوالي او تلفاتو په اړه معلومات نهدي ورکړل شوي. د خېبر پښتونخوا والي فیصل کریم کنډي په یاده سیمه کې د ناامنیو زیاتېدل اندېښمنونکي ګڼلي او د امن پر ټینګېدو یې ټینګار کړی.
نوموړي زیاته کړې: «هغه ترهګر چې د بېګناه خلکو وینه تویوي، د هېڅ ډول رعایت وړ نهدي».
لاتر اوسه هيڅ کومې وسلهوالې ډلې د یاد برید مسوولیت نهدی منلی.
