د خیبر پښتونخوا په نوشهره کې د سخت توپان له امله يو ماشوم مړ او پنځه کسه نور ټپيان شوي دي

د دوشنبې په ورځ د پاکستان پارلمان ته په وينا کې هغه وويل، د خيبرپښتونخوا په سويلي ولسواليو کې «په لرې پرتو سيمو کې په جوماتونو او بېټکونو کې وسله وال موجود دي، څوک له ويرې خپل ماشوم ښوونځي ته نشي لېږلی».

هغه زياته کړه، «په سیمه کې کاروبارونه په ټپه ودرېدلې دي، په لوي شمېر کې خلک کډې کوي خو حکومت په دې هېڅ خبره نه کوي، چې په هېواد کې څه روان دي».

هغه وويل، ډېره اسماعيل، ټانک، لکي مروت او بنو یې سیمې دي، «دغلته کوم سرتيری او نه کوم ملکي وګړی خوندي نه دي».

مولانا فضل الرحمان وويل، «په يوه ورځ د يوه کلي نه هغه سرتيری چې په رخصت وو، سهار له کوره بوتلل شوی، ويډیو یې جوړه شوې او په ډزو وژل شوی، او هم د دغه کلي نه ماسپښين بل تن بوتلل شوی او د ماښام نه وړاندې د هغه جسد ترلاسه کړل شوی دی».

په وروستيو کې د خيبرپښتونخوا په سويلي ولسواليو او قبايلي سيمو کې د ناامنۍ پېښو بیا زور نيولی دی.

ټام فلیچر، پر ایکس خواله رسنۍ کې لیکلي، چې په تېرو ۲۴ساعتونو کې پر لبنان له سلو ډېر بریدونه شوي، چې له امله یې ملکي وګړي وژل شوي او ګڼې کورنۍ بې‌ځایه شوې دي.

هغه زیاته کړې، ملګري ملتونه به خپلې ټولې هڅې وکاروي څو اړمنو کسانو ته بشري مرستې ورسوي، خو د ده په وینا، د لبنان خلک اوس تر ټولو ډېر د جګړې د درېدلو او د یوه ریښتیني اوربند غوښتنه کوي.

دا څرګندونې داسې مهال کېږي چې په لبنان کې د وروستیو بریدونو او تاوتریخوالي له امله د بشري وضعیت د خرابېدو په اړه نړیوالې اندېښنې زیاتې شوې دي.

سرفراز بګټي د دوشنبې په ورځ خبري غونډه کې دغه نجلۍ د مطبوعاتو مخې ته وړاندې کړه، او وې ويل، کورنۍ یې د تربت ده. او امنیتي ادارو پر وخت اقدام وکړ او دغه پلان یې شنډ کړ.

همداراز هغه وویل، چې «د دغه اقدام له لارې نه یوازې له لویو ځاني زیانونو څخه مخنیوی وشو بلکې د پاکستان نړیوال تشخص ته د زیان رسولو هڅه هم ناکامه کړل شوه».

هغه وویل، چې څه موده مخکې ددې نجلۍ د لا درکه کېدو خبر ورکړل شوی و، او بيا یې امنیتي ادارو لټون پیل کړ. بګټي ادعا وکړه، دغه نجلۍ لادرکه نه وه بلکې د یوې وسله والې ډلې په کمپ کې یې روزنه روانه وه.

د بلوچستان لومړي وزیر وويل، په بلوچستان کې له ډېرې مودې راهیسې ښځې د ترهګرۍ لپاره کارول کېږي او دا د بلوڅو له کلتور خلاف عمل دي.

هغه زياته کړه، دغه نيول شوې نجلۍ یې پلار ته سپاري، څوک چې د لارۍ چلوونکی دی.

هغه وويل، «د ترهګرو ډلو دا چلند د شرم وړ دی». هغه د بلوڅ ازادي ځواک (بلوچستان لبرېشن ارمي) نومې بېلتون غوښتونکې ډلې د مشر بشیر زیب د نوم اخېستلو سره وویل چې پر دې اقدام دې شرم وکړي.

د پاکستان حکومت بلوچستان لبرېشن ارمي نومې ډله په ۲۰۰۶م کال کې لاقانونه ګرځولې ده.

د ځايي رسنيو د راپورونو له مخې، د ډزو پېښه د دوشنبې په ورځ د ايران پولې ته څېرمه د ګوادر ولسوالۍ د جيوني په کنټاني سيمه کې رامنځته شوې ده.

د پېښې په اړه نشنل ګوند، حق دو تحريک او بلوچستان نشنل ګوند لخوا خپرو کړل شوو خبرپاڼو کې ادعا شوې، چې کارګران د کوسټ ګارډ په ډزو کې وژل شوي او دوی د پېښې شفافې، بې طرفه او سمدستي پلټنې غوښتنه کړې، او وې ويل، «پېښه کې ککړ چارواکي دې د قانون منګولو ته وسپارل شي».

د نشنل ګوند د بلوچستان ايالتي اسمبلۍ غړي مالک بلوڅ د اسمبلۍ په غونډه کې وويل، «په کنټاني کې کارګران د ساحلي ځواک لخوا وژل شوي، زه یې په کلکه غندنه کوم».

هغه وويل، «په پوله سوداګري زموږ حق دی او څوک یې رانه نشي تروړلی، په بلوڅ او پښتنو سيمو کې په پوله سوداګري موږ غير رسمي سوداګري بولو، هیڅ قاچاق یې نه ګڼو».

خو د راپورونو له مخې، ساحلي ځواک په کارګرانو د ډزو تور رد کړی او وه یې ويل، کنټاني کې د دغه ځواک کارکوونکو او عامو وګړو باندې توندلارو وسله والو ډزې وکړې. کار کوونکي پکې خوندي پاتې شوي او د ځينې عامو وګړو د ټپي کېدو خبر ورکړل شوی دی.

د بلوچستان کنټاني سيمه د ايراني تېلو د سوداګرۍ لپاره ياده سيمه بلل کيږي.

هغه د دوشنبې په ورځ بنو ولسوالۍ ته سفر کړی او هلته په وسله وال بريد کې د وژل شوو د کورنيو سره یې ليدلي دي. بنو کې د می د ۹مې پر شپه پر پوليس پوسته ځانمرګی وسله وال بريد شوی و، چې په کې ۱۵ پاکستاني پولیس وژل شوي او درې نور ټپيان شوي وو.

سهيل اپريدي د چا د نوم اخېستو پرته وويل، «وسله وال چې بيرته (خيبرپښتونخوا ته) راوستل کېده، هغه وخت مونږ چغې وهلې، امن لاريونونه مو کول، جرګې مو کولې، چې دا خلک بيا مه راولئ، د پښتنو امن بيا مه تباه کوئ، ته ډالرې ګټې، خو زما په سر یې مه ګټه چې ته د پښتون د سر قيمت لګوئ، او ته یو ځل بيا ډالري جګړه په ما راتپې».

هغه ادعا وکړه، «نن د بنو د ماشومانو د يتيمولو مسوول د رياست هغه خلک دي کوم چې په بندو کوټو کې پرېکړې کوي، د هغې په نتيجه کې زما پوليس، پوځي، عام خلک او عالمان وژل کيږي».

هغه په پښتنو غږ وکړ چې «تاسو به په خپله ودرېږئ، ستاسو لپاره به بل څوک نه راځي، د ۷۸ کالو راهيسې په پېنډۍ کې پرېکړې کيږي او په موږ راتپل کيږي، د ګډو او بیزو په رنګ وژل کېږو.»