په بلوچستان کې د پاکستان د سمندري ساتونکو په ډزو کې ۲ کسان وژل شوي او ۵ نور ټپیان دي
د بلوچستان د ګوادر اړوند کنټاني سیمه کې د پاکستان د سمندري ساتونکو او ځايي کارګرو ترمنځ په نښته کې لږ تر لږه دوه کسان وژل شوي او پنځه نور ټپیان دي. دغه شخړه د پاکستان د سمندري ساتونکو لهخوا د یوې پوستې جوړېدو له امله رامنځته شوې ده.
د راپورونو له مخې؛ شخړه هغه مهال رامنځته شوه، چې د پاکستان سمندري ساتونکو غوښتل په سیمه کې پوسته جوړه کړي او د ایراني تېلو د لېږد کارګرو د خپل کار د بیا پیل هڅه کوله. وژل شوي کسان شاهزیب او سعود نومیږي او دواړه د خضدار ولسوالۍ اوسېدونکي دي.
بلخوا د پاکستان سمندري ساتونکو په یوه اعلامیه کې ویلي، ځواکونو یې د ساحلي سیمو په اوږدو کې د ایراني تېلو د ناقانونه قاچاق د مخنیوي لپاره پوسته جوړوله؛ خو د دوی پر ځواکونو د «ورانکارو او وسلهوالو» له لوري برید وشو، چې له امله یې مرګ ژوبله رامنځته شوه.
په سیمه کې اوس هم ترینګلی وضعیت دوام لري او د پاکستان امنیتي ځواکونه هم په پراخه کچه په یاده سیمې کې ځای پرځای شوي دي.
