ټرمپ ځينې امريکايي رسنۍ تهران ته د ناسمو هيلو ورکولو له امله پر «خيانت» تورنې کړې
د امريکا ولسمشر ډونالډ ټرمپ د ځينو امريکايي رسنيو پر راپورونو نيوکه کړي او په خپلې ټولنيزې شبکې تروث سوشل کې لیکلي: «کله چې جعلي خبرونه وايي ايراني دښمن زموږ پر ضد په پوځي برخه کې ښه عمل کوي، دا يو ډول مجازي خيانت دی، ځکه دا ډول څرګندونې دروغجنې او ان مسخره کوونکې دي».
هغه زياته کړې: «دوی له دښمن سره مرسته او همکاري کوي! يوازنی کار چې کوي دا دی چې ايران ته ناسمې هيلې ورکوي، په داسې حال کې چې هېڅ هيله بايد موجوده نه وي».
ټرمپ پرته له دې چې د کومې ځانګړې رسنۍ نوم واخلي امریکایي رسنۍ او خبریالان «بزدلان» بللي او د خپل هېواد پر ضد یې پر تبلیغاتو تورن کړي دي.
نوموړي ادعا کړې، چې د ايران اسلامي جمهوريت په خپل سمندري ځواک کې ۱۵۹ بېړۍ لرلې، خو د ده په خبره «اوس ټولې بېړۍ د سمندر تل ته غورځېدلې دي».
ټرمپ ټينګار کړی، چې ايران اوس سمندري ځواک نهلري، هوايي ځواک او ټوله پوځي ټېکنالوژي يې له منځه تللې ده. هغه ليکلي: «د دوی مشران نور نهشته او هېواد له اقتصادي ناورين سره مخ دی. يوازې بايلونکي، ناشکره او احمقان کولی شي د امريکا پر ضد تبليغات وکړي».
