د خیبر پښتونخوا په نوشهره کې د دوو ډلو ترمنځ په نښته کې اووه کسان وژل شوي
د خیبر پښتونخوا د نوشهرې په ميان عیسی سيمه کې د دوو ډلو ترمنځ د نښتې له امله ۷ کسان وژل شوي دي. د پوليسو په وينا، د دواړو خواوو ترمنځ په سر کې لفظي شخړه پیل شوه؛ خو وروسته دغه شخړه په وسلهوالې نښتې واوښته چې له امله یې د یوې ډلې د کورنۍ څلور او د بلې ډلې د کورنۍ درې غړي وژل شوي.
ځایي چارواکو ويلي، د وژل شويو کسانو مړي د عدلي طب راپور لپاره د ولسوالۍ ډي اېچ کیو روغتون او قاضي حسين احمد مېډيکل کمپلېکس ته لېږدول شوي دي. تر پېښې وروسته یاده سیمه د پولیسو لهخوا کلابنده شوې او د پېښې په اړه پلټنې روانې دي.
