په ټورنټو کې د افغان خبریالانو په ګډون د بیان ازادۍ مرکز خپله درېیمه کلنۍ ناسته ترسره کړی

فضلي ویلي، پاکستان لا هم په پښتون مېشتو سیمو کې د خپلې «ډالري جګړې» د دوام لپاره له ترهګرۍ څخه د یوې پلمې په توګه ګټه اخلي.

د نوموړي په وینا، د خیبر پښتونخوا اعلی وزیر په ښکاره اعتراف کړی چې پاکستانی پوځ باید خپله «ډالري جګړه» د پښتنو له سیمو وباسي، او دا د یوه برحاله چارواکي له خوا «ټکان ورکوونکی اعتراف» دی.

فضل محمود فضلي ادعا کړې، چې دغه څرګندونې ښيي د پاکستان پوځي عملیات تر ډېره د بهرنیو امتیازاتو او مرستو د ترلاسه کولو لپاره ترسره کېږي.

هغه همداراز ویلي، چې د ۲۰۲۶کال د اپرېل میاشتې په جریان کې د ارومچي په ښار کې د چین، طالبانو او پاکستان ترمنځ له غیر رسمي خبرو وروسته، طالبان او اسلام‌اباد د افغان کلیو د بمبارۍ په اړه په «مشکوک ډول» چوپ پاتې شوي دي.

فضلي باور څرګند کړی چې دا چوپتیا د چین د فشارونو پایله ده، څو د سیمې وضعیت ارام وښودل شي، خو د هغه په خبره، د افغانانو پر ضد د پاکستاني ځواکونو بریدونه او یرغلونه لا هم دوام لري.

نوموړي پر طالبانو هم نیوکه کړې او ویلي یې دي چې د هېواد د دفاع پر ځای، له پاکستان سره «پټې معاملې» زیاتې شوې دي او د پاکستاني پوځ د بریدونو او تېریو پر وړاندې چوپتیا غوره شوې ده.

تر اوسه طالبانو او پاکستاني چارواکو د فضل محمود فضلي ددغهڅرګندونو په اړه کومرسمي غبرګون نه دی ښودلی.

د طالبانو تر واک لاندې ارګ د چارشنبې په ورځ وویل چې د عبدالسلام حنفي په مشرۍ د بېلابېلو وزارتونو استازو په یوه ناسته کې ګډون کړی و.

په دې ناسته کې د روغتیايي خدماتو د ښه کولو، د روغتیايي سکتور د کیفیت لوړولو او د روغتیايي چارو د مدیریت په برخه کې د ستونزو او خنډونو په اړه خبرې شوې دي.

د ارګ د خبرپاڼې له مخې، په دې ناسته کې په دولتي او خصوصي روغتونونو کې د معیاري طبي وسایلو او تجهیزاتو برابرولو، د مړینې پېښو د کمولو، د ماشومانو د روغتیايي برخو د پیاوړتیا، د ناروغیو وقایې ته په پاملرنې، د سرطان ناروغي د تشخیص او درملنې په برخه کې د اسانتیاوو پر رامنځته کولو ټینګار شوی دی.

لوړ پوړو طالبانو د غوره روغتیايي خدماتو برابرولو په تړاو دغه ناسته داسې مهال کړې، چې له تېرو څه باندې ۹ میاشتو راهیسې، د طالبانو او پاکستان ترمنځ د شخړې له پیل څخه افغانستان د درملو له کمښت سره مخ دی.

طالبانو افغانستان ته له قاچاقي لارو څخه د درملو پر واردولو هم بندیز لګولی دی، خو ګڼ افغانان وايي، چې په هېواد کې د فقر او بې‌وزلۍ ترڅنګ یې اوس په ژوند کې یوه بله لویه ننګونه، سمو روغتیايي خدماتو ته نه لاس رسی هم ور اضافه شوی دی.

د ایرنا خبري اژانس د راپور له مخې، د افغانستان د سوداګرۍ او پانګونې خونې د مشرتابه غړي منصور مجید د چارشنبې په ورځ د ایران د خراسان رضوي له والي غلامحسین مظفري سره په لیدنه کې د دغې طرحې هرکلی کړی دی.

هغه ویلي، له ایران سره د همکارۍ دغه ډول ماډل کولای شي د افغانستان او ایران ترمنځ سوداګریزې اړیکې پراخې او د دواړو لورو اقتصادي ګټې خوندي کړي.

مجید زیاته کړې چې اوس مهال د هند او پاکستان دروازې د افغانستان پر مخ تړل شوې دي او دا وضعیت افغانستان اړ باسي چې د سوداګرۍ او ترانزیټ لپاره نوي ظرفیتونه رامنځته کړي.

هغه ویلي، په ازاده سیمه کې د درملنې او سوداګرۍ اړوند مرکزونه هم جوړېدلی شي چې د دواړو هېوادونو په ګټه به وي.

د خراسان رضوي والي هم د اسلام کلا-دوغارون په سیمه کې د ګډې ازادې سیمې جوړول د ایران او افغانستان ترمنځ د سوداګرۍ او کارموندنې د پراختیا لپاره مهم ګام بللی دی.

غلامحسین مظفري ویلي، ایران وړاندیز کړی چې افغانستان هم د دوغارون د ازادې سیمې په اندازه ځمکه ځانګړې کړي څو د دواړو هېوادونو ترمنځ ګډه ازاده سیمه جوړه شي.

هغه همداراز ویلي چې په نږدې راتلونکې کې به په دوغارون کې د ۶۰ مېګاواټه لمریزې برېښنا پروژه هم جوړه شي.

قانع د چهارشنبې په ورځ ویلي چې دغه عملیات نن شوي او د اختطافګرو د ډلې وروستی مهم بانډ هم له منځه وړل شوی دی.

قانع ویلي، په دغو عملیاتو کې د ډلې مشران کریم الله او احمدي وژل شوي او پنځه نور غړي یې ژوندي نیول شوي دي.

د هغه په وینا، دغه ډله د «رییس خدایداد» له شبکې هم لویه او خطرناکه بلل کېده او له ډېر وخت راهیسې د امنیتي او کشفي ځواکونو تر څار لاندې وه.

هغه زیاته کړې چې امنیتي ځواکونو د اختطاف د یوې تازه پېښې پر مهال د دغې ډلې پټنځای کشف کړ او د عملیاتو په ترڅ کې یې یو تښتول شوی کس هم د اختطافګرو له منګولو ازاد کړ.

نوموړي د ازاد شوي کس ویډیو هم خپره کړې چې پکې وایي تېره ورځ اختطاف شوی و.

سرچینو د چارشنبې په ورځ ویلي، چې د قطر مذاکراتي ډلې غړی او د مولوي هبت هبت‌الله اخوندزاده سلاکار ملا جان محمد مدني د کندهار د علماوو شورا په ضمانت د طالبانو د استخباراتو له زندان څخه خوشې شوی دی.

سرچینو ویلي، چې د ملا جان محمد مدني د خوشې کېدو او ضمانت وړاندیز د مولوي هبت‌الله اخوندزاده د دفتر له‌خوا منل شوی او هغه دوه ورځې وړاندې د استخباراتو له زندان څخه خپل کور ته ستون شوی دی.

د سرچینو په وینا، د ملا جان محمد مدني د خوشې کېدو لپاره داشرط اېښودل شوی، چې نوموړی به د بډو اخېستلو په قضیه کې د خپل ځان د سپیناوي په تړاو د ملا هبت‌الله دفتر ته قناعت ورکوي او که نوموړی د خپل ځان سپیناوی ونه شي کړای او لګېدلی تور پرې پاتې شي نو بېرته به زندان ته واستول شي.

دغو سرچینو افغانستان انټرنشنل ته ویلي، چې د ملا جان محمد مدني قضیه د مولوي هبت‌الله اخوندزاده د دفتر له‌خوا څېړل کېږي.

تر اوسه معلومه نه ده، چې نوموړی به د مولوي هبت‌الله اخوندزاده د سلاکار په توګه پر دنده پاتې شي او که به له دندې لرې شي.

د غويي په ۲۰مه سرچینو افغانستان انټرنشنل ته ویلي و، چې د قطر مذاکراتي ډلې غړی، د کندهار د دارالافتاء غړی او د مولوي هبت‌الله اخوندزاده سلاکار ملا جان محمد مدني د غويي په ۱۶مه نېټه د کندهار ولایت د استخباراتو له‌خوا د قتل د یوې قضیې د حل لپاره له مقابل اړخ څخه د اته سوه لکه پاکسانۍ کالدارو بډو اخېستلو په تور نیول شوی دی.

د سرچینو د معلوماتو له‌مخې، ملا جان محمد مدني د ملا هبت‌الله له نږدې ملګرو او سلاکارانو څخه دی او د نورو کسانو په پرتله یې له هبت‌الله سره د لېدو لپاره ډېر فرصت درلود.

سرچینې زیاتوي، چې مدني په کندهار ښار کې یوه مدرسه او سلګونه شاګردان هم لري او هبت‌الله ته په ډېرو مهمو مسایلو کې مشورې ورکوي.