د سومالیا سمندري غلو له خوا د برمته شويو پاکستانیانو کورنیو د مرستې غوښتنه کړې
د سومالیا پونټلنډ ساحل ته نږدې د سمندري غلو له خوا د یوې تېل وړونکې بیړۍ له نیول کېدو ۲۳ ورځې وروسته، د تښتول شویو لسو پاکستانيانو کورنیو د هغوی د ژغورنې لپاره له اړوندو ادارو د عاجلې مرستې غوښتنه کړې ده.
د برمته شويو کسانو کورنیو په کراچۍ کې اعتراض کړی او ویلي یې دي چې برمته شوي کسان له پاکو اوبو بې برخې دي او د ژوندي پاتې کېدو لپاره د بیړۍ چټلې اوبه څښي. د دوی په وینا، برمته شوي کسان هره ورځ یوازې یو ځل ډوډۍ خوري.
د پاکستان د بهرنیو چارو وزارت ویلي، د بېړۍ مالک له سمندري غلو سره په خبرو بوخت دی او د سومالیا حکومت پاکستان ته معلومات ورکوي.
