د افغانستان د پاراتکوانډو لوبغاړې ذکیه خدادادي د جرمني په مونیخ کې د ۲۰۲۶کال د اروپا په پاراتکوانډو سیالیو کې د خپلو ټولو سیالانو په ماتې سره د یادو سیالیو د سرو زرو مډال وګاټه او د اروپا اتله شوه.
هغې چې د فرانسې په استازیتوب په دغه سیالیو کې برخه اخیستې وه، په ۲۰۲۳کال کې یې هم د سرو زرو مډال ګټلی و. د سیالیو تنظیموونکو په وینا؛ په دغه سیالیو کې له بېلابېلو اروپایي هېوادونو د پارا ټکوانډو غوره لوبغاړو برخه اخیستې وه.
دغه سیالۍ د ۲۰۲۶کال د مئ له ۱۱مې تر ۱۴مې پورې د مونیخ په «بياېمډبلیو پارک» لوبغالي کې ترسره کېږي. د ذکیه خدادادي په ګډون د منفي ۴۷ کیلوګرامه وزن په کټګورۍ کې د ګرجستان، اذربایجان، اېټالیا، فرانسې، اوکراین او ترکیې څخه اوو لوبغاړو د سرو زرو مډال لپاره سیالي وکړه.
هغې د یادو سیالیو د لومړي پړاو په وروستۍ پاڼۍ کې د اېټالیا «سومي ریسي» ته د ۲-۰ په توپیر ماتې ورکړه او نیمه پای لوبې ته یې لاره پیدا کړه. نوموړې بیا په نیمه پای لوبه کې د ګرجستان «لیا چاچیبایا» ته د ۰-۲ په توپیر ماتې ورکړه او پای لوبې ته یې لاره وموندله.
یادې افغان لوبغاړې په پای لوبه کې د ترکیې له «ګل نورجهان اکنسی» سره مخامخ شوه، چې په نړۍ او پارالمپیک سیالیو کې د پارا ټکوانډو یوه مشهوره څېره ده. نوموړې د غوره فعالیت سره وتوانېده، چې د ۲-۰ په توپیر خپلې سیالې ته په ماتې ورکولو سره د سرو زرو مډال وګټي او اروپا اتله شي.
ذکیه خدادادي تر دې وړاندې په ۲۰۲۳کال کې هم په دغه سیالیو کې د سرو زرو مډال ګټلی و. هغه په خپل ورزشي مسلک کې د پارالمپیک لوبو څخه هم یو مډال لري.
