د پاراتکوانډو د سرو زرو مډال له ګټلو سره ذکیه خدادادي یو وار بیا د اروپا اتله شوه

د کرېکټ بورډ د معلوماتو له‌مخې، دغه کمپلکس به یو عمومي او دوه فرعي لوبغالي، ستر مېلمستون، جومات، رویال باکس، د لوبغاړو د اړتیا وړ خونې، د شپې سیالیو لپاره د څراغونو مجهز سیستم او د رسنیو او مبصرینو لپاره عصري خونې ولري.

سرچینې زیاته کړې، چې دغه مرکز به د ۲۵ ویشتنځایونو سرخلاصه معیاري اکاډمي، سرپټه او انډور اکاډمي، د موټرو تمځای، حوض، سونا، د درملنې مرکز، د مجلسونو او جېم خونې هم ولري. د پروژې په لومړي ګام کې درې میدانونه، احاطوي دېوال، د شپې څراغونه او اړوند پویلینونه جوړېږي او ورپسې به نورې رغنیزې چارې پر مخ ولاړې شي.

د افغانستان د کرېکټ بورډ مسوولینو د دغه کمپلکس د جوړېدنې د لګښت د څومره‌والي او دا چې کومه اداره یې تمویلوي، څه نه‌دي ویلي.

د پرانېستې په مراسمو کې د طالبانو د ریاست‌الوزرا د دفتر رییس ملا عبدالواسع وویل، چې ورزش ته ځانګړې پاملرنه کېږي او دې ته به نوره هم توجه زیاته شي.

د کرېکټ بورډ مشرتابه د پروژې او نورو رغنیزو چارو په اړه معلومات ورکړل او زیاته یې کړه، چې د لوبغالو رغونه او د کرېکټ پراختیا یې لومړیتوب دی. د بورډ په وینا، ډېر ژر به د نجیب‌الله تره‌کي کرېکټ لوبغالي ماسټرپلان بشپړ شي او د کندهار او خوست په ګډون د نورو لوبغالو او اکاډمیو چارې به هم پرله‌پسې سرته ورسېږي.

د کرکټ بورډ په وینا، په دې لړۍ کې به افغان او نړیوال پانګوال، سوداګر او د کرکټ د سیالیو د تنظیم شرکتونه ګډون وکړي، څو د یاد لیګ د سوداګریزو لوبډلو د ترلاسه کولو لپاره داوطلبي وکړي.

ټاکل شوې ده چې د غوښتنلیکونو د بهیر لومړی پړاو په متحده عربي اماراتو کې ترسره شي. کرکټ بورډ وایي، متحده عربي امارات د نړیوال معیار اسانتیاوې او مناسب چاپېریال لري او له همدې امله د دغه لیګ د دویم پړاو د تنظیم لپاره غوره شوی دی.

د افغانستان کرکټ بورډ عمومي رییس میرویس اشرف ویلي، د افغانستان شل اوریز غوره لیګ دویم پړاو ته نږدې کېدل د افغان کرکټ لپاره یوه مهمه لاسته راوړنه ده او ډېر ژر به د دغه ستر لیګ د بیا پیل شاهدان وي.

هغه زیاته کړې چې افغان لوبغاړي د نړۍ په سترو لیګونو کې د ځانګړو او ځلانده استعدادونو په توګه پېژندل کېږي او د افغانستان شل اوریز غوره لیګ به د نړیوالو او افغان لوبغاړو په ګډون داسې چاپېریال رامنځته کړي چې د نړۍ د کرکټ مینه‌وال به ځان ته راجلب کړي.

کرکټ بورډ ویلي، په دې لیګ کې به پنځه سوداګریزې لوبډلې برخه ولري او احتمالي پانګوال به وکولای شي د افغانستان د پنځو تاریخي ښارونو؛ کابل، کندهار، بلخ، پکتیا او ننګرهار له نومونو سره تړلې لوبډلې ترلاسه کړي.

د یادونې ده چې د افغانستان شل اوریز غوره لیګ لومړی پړاو په ۲۰۱۸ز کال کې شوی و او ټاکل شوې د دویم پړاو سیالۍ د روان کال په وروستۍ ربع کې ترسره شي.

دغه سیالۍ د بلاروس په کوربه‌توب د نړۍ د اتو هېوادونو د څه باندې ۶۰۰ ورزشکارانو په ګډون ترسره شوې، چې په‌کې د افغانستان د «ډبلیو ار پي اېف» ملي لوبډلې پیاوړی حضور درلود او څلور د سرو زرو، یو د سپینو زرو او یو د برونزو مډال یې ترلاسه کړ.

په دغه سیالیو کې فواد شیرین‌سخن، جابر شیرین‌سخن، نوراحمد سخي‌زاده او میروېس رفیع‌زاده د سرو زرو مډالونه وګټل. همداراز روح‌الله خیراندېش د سپینو زرو او حمیدالله حکیمي د برونزو مډال ترلاسه کړ.

د افغانستان لوبډلې په دغه سیالیو کې له شپږو ورزشکارانو او یوه روزونکي سره ګډون کړی و. د ۲۰۲۶کال نړۍوال جام سیالۍ د مئ میاشتې په ۶مه پیل شوې او د همدې میاشتې په ۱۰مه پای ته ورسېدې.

د افغانستان د «ډبلیو ار پي اېف» فدراسیون مسوولینو دغه بریا د هېواد د ورزشکارانو د هڅو، ژمنتیا، باور او زحمت پایله بللې ده. دوی ویلي، افغان ورزشکارانو د ګڼو ستونزو سربېره وکولای شول د افغانستان نوم په نړۍواله کچه ځلانده وساتي.

په ورته وخت کې د «ډبلیو جي سي» سازمان نړۍوال استازي او مشر وحیدالله امیري څخه هم د افغان ورزشکارانو د ملاتړ او همکارۍ له امله مننه شوې ده.

دغه سیالۍ د پاکستان د کویټې په ښار کې د یو شمېر سیمه‌ییزو او بهرنیو لوبغاړو په ګډون ترسره شوې. ټاکل شوې وه چې فاطمه جعفري د اتلولۍ د ملابند لپاره له یوې پاکستانۍ سیالې سره لوبه وکړي، خو د هغې د نه حاضرېدو له امله سیالي ترسره نه شوه.

لوبڅارانو د پاکستانۍ لوبغاړې د نه ګډون له امله بریا افغانې لوبغاړې ته ورکړه او د اتلولۍ ملا‌بند یې د فاطمې جعفري په نوم اعلان کړ.

فاطمه جعفري تر دې دمه په خپلو مسلکي سیالیو کې دوه بریاوې لري او دا یې دوهم د اتلولۍ ملا‌بند بلل کېږي. هغه د پاکستان مېشت افغان روزونکي بسم‌الله تاصیح تر روزنې لاندې د «فجر سوک وهنې اکاډمۍ» کې تمرین کوي.

نوموړې په خپله فیسبوک پاڼه لیکلي چې دا بریا یې د سختو تمرینونو، ستړیا او رواني فشارونو له لارې ترلاسه کړې او ویلي یې دي چې دا اتلولۍ د هغې د اوږدې مبارزې پایله ده.

فاطمه جعفري زیاتوي چې دا لاسته راوړنه یې د سوک‌وهنې کور «فجر» ته ډالۍ کړې ده.

دا بریا په داسې حال کې ترلاسه کېږي چې په افغانستان کې د طالبانو تر واک لاندې حکومت د ښځو پر سپورتي فعالیتونو پراخ محدودیتونه لګولي او ښځینه ورزشکاران له ډېرو رسمي لوبو او ملي لوبډلو څخه بې‌برخې شوي دي.

ای بي سي نیوز د یکشنبې په ورځ، د غویي ۲۰مه، په یوه راپور کې لیکلي چې دغه غوښتنه تازه د افغان ښځینه کرکټ لوبډلې د غړو له لوري مطرح شوې ده.

دوی د کرکټ له نړیوالې شورا څخه غوښتي چې دفیفا بېلګه تعقیب کړي او افغان ښځینه کرکټ لوبډله د افغانستان د استازې ملي لوبډلې په توګه په رسمیت وپېژني.

دا غوښتنه وروسته له هغې مطرح شوه چې څه موده وړاندې فیفا اعلان وکړ، په جلاوطنۍ کې د افغانستان د ښځینه فوټبال لوبډله یې په رسمیت پېژندلې او دا لوبډله کولی شي د افغانستان په استازیتوب په نړیوالو سیالیو کې برخه واخلي.

د طالبان له بیا واکمنېدو وروسته، پر ښځو د پراخو محدودیتونو له امله هغوی د زده‌کړې، کار او ورزش له حقونو محرومې شوې دي.

طالبانو د هېواد ښځینه ملي لوبډلې منحل کړې او ویلي یې دي چې د ښځو لوبډلې په رسمیت نه پېژني.

د راپور له مخې، ډېری ښځینه لوبغاړې چې پخوا د افغانستان د ملي لوبډلو غړې وې، نورو هېوادونو ته کډوالې شوې دي.

په جلاوطنۍ کې د افغانستان د ښځینه کرکټ لوبډلې غړو په وروستیو میاشتو کې په روزنیزو کمپونو کې ګډون کړی او ټاکل شوې دچې د سکالېنډ په اډینبرو ښار کې د کرکټ نړیوالې شورا په غونډه کې هم حضور ولري.

تر اوسه د کرکټ نړیوالې شورا د دغې غوښتنې په اړه رسمي غبرګون نه دی ښودلی.