ټرمپ د ونزویلا نقشه د امریکا له بېرغ سره خپره کړه
د پنجشنبې په ورځ د امریکا ولسمشر ډونالډ ټرمپ پر «ټروت خواله رسنۍ» د ونزویلا نقشه د امریکا له بېرغ سره خپره کړه. په تصویر کې لیکل شوي، «۵۱م ایالت». د ټرمپ دغه پوسټ د سپینې ماڼۍ د اېکس حساب لهخوا بیاځلي پوسټ شوی دی.
تر دې وړاندې سياېناېن د ټرمپ په حواله ویلي و، چې دغه اقدام «په جدي توګه تر غور لاندې دی». دغه څرګندونې په ونزویلا کې د امریکا د پوځي عملیاتو او د دغه هېواد د ولسمشر نیکولاس مادورو تر نیول کېدو وروسته وشوې.
د ونزویلا لنډمهالې ولسمشرې (د مادورو پخوانۍ مرستیالې) ډیلسي روډریګز خبریالانو ته ویلي، چې هېواد یې د امریکا د ۵۱م ایالت کېدو پلان نهلري. هغې ټینګار وکړ: «موږ به د خپلې ځمکنۍ بشپړتیا، حاکمیت، خپلواکۍ او تاریخ دفاع ته دوام ورکړو». نوموړې زیاته کړه: «ونزویلا مستعمره نهده؛ بلکې یو ازاد او خپلواک هېواد دی».
د ټرمپ دغه څرګندونې د ونزویلا په اړه د هغه د وروستیو څرګندونو یوه برخه ده، چې د ۲۰۲۶کال په جنورۍ میاشت کې یې د امریکا تر پوځي عملیاتو او د مادورو تر نیول کېدو وروسته کړې وې.
ونزویلا د نړۍ ترټولو لویې د تېلو زېرمې لري او شنونکي پهدې باور دي، چې دغه هېواد ته د ټرمپ لېوالتیا تر ډېره حده اقتصادي او ستراتیژیکه ده. د ټرمپ دغه څرګندونې د هغه د نیوکه کوونکو او پلویانو له بېلابېلو غبرګونونو سره مخ شوې دي.
