چین یو وار بیا د امریکا د غوښې د سلګونه صادرونکو شرکتونو جوازونه وځنډول
چین یو وار بیا د امریکا د غوښې د سلګونه صادرونکو شرکتونو جوازونه وځنډول. دغه اقدام یوازې څو ساعته وروسته له هغه وشو، چې رویټرز راپور ورکړی و په بیجنېګ کې د ډونالډ ټرمپ او شي جېن پېنګ ترمنځ د غونډې په څنډه کې دغه جوازونه بیا تایید شوي دي.
د چین د ګمرک ادارې په وېبپاڼه کې د خپرو شویو معلوماتو له مخې؛ د امریکا د غوښې د پروسس تر ۴۰۰ زیاتو فابریکو د ثبت وضعیت چې وړاندې د پنجشنبې په ورځ «فعال» اعلان شوی و، بېرته «ځنډېدلي» ته بدل شوی دی.
دغه له ۴۰۰ څخه زیاتې فابریکې چې په ګډه چین ته د غوښې د صادراتو لپاره د امریکا د ثبت شویو تاسیساتو شاوخوا ۶۵ سلنه جوړوي، د تېر یوه کال راهیسې د جواز نه تمدید له امله د صادراتو له حقه بېبرخې شوې وې.
د دغه جوازونو تمدید کولای شي د امریکا د غوښې صنعت لپاره یوه مهمه لاسته راوړنه اوسي، په ځانګړي ډول وروسته له هغه چې سپینې ماڼۍ اعلان کړی و چې دغه موضوع به د واشنګټن او بیجېنګ په مذاکراتو کې مطرح شي.
