بلوچستان کې په جلا، جلا پېښو کې څلور کسان وژل شوي او ۱۲ نور ټپیان دي

دارنګه د ګوادر د فقير کالونۍ په سيمه کې د پوليسو پر موټرسايکل ګزمې لاسي بم غورځول شوی، چې له امله يې يو پوليس سرتېرى ټپي شوی دی. ورته مهال د ډېره بګټي د اوچ سوۍ په سيمه کې د ناپېژاندو وسله‌والو په ډزو کې يو کس وژل شوی دی.
له دې سره سم په تربت ښار کې هم ناپېژاندو وسله‌والو پر دوو وروڼو ډزې کړې، چې له امله يې يو ورور ځای پرځاى وژل شوی او بل سخت ټپي شوی دی.
د راپورونو له مخې؛ د مکران سمندري لويې لارې پر سر له کراچۍ څخه مند ته تلونکی مساپر وړونکی موټر د کلمت کراس په سيمه کې اوښتی، چې له امله يې د درېیو ښځو په ګډون لس کسه ټپيان شوي دي. ټپيان د درملنې لپاره نږدې روغتونونو ته لېږدول شوي دي.