امریکايي رسنیو راپور ورکړی، چې په بېجینګ کې د ټرمپ او شي جېن پېنګ تر لیدنې وړاندې د کامرو ترشا فزیکي شخړه رامنځته شوې. دغه شخړه وروسته له هغې رامنځته شوې، چې چینايي چارواکو یو امریکایي مامور ته خوندي سیمې ته د ننوتو اجازه ورنهکړه.
د فاکسنیوز خبریال راپور ورکړی، چې د ټرمپ د سفر پرمهال د امریکا د پټ خدمت ماموران له چینايي پولیسو سره په سختو فزیکي شخړو کې ښکېل شول. دغه نښتې وروسته له هغې رامنځته شوې، چې چینايي مامورانو هڅه وکړه یو امریکايی مامور له خپلې وسلې سره د غونډې ځای ته له ننوتو منع کړي.
نیویارک پوسټ هم په خپل راپور کې د دغه شخړو په اړه لیکلي، چې امریکايي خبریالان په بېجینګ کې له سختو محدودیتونو سره مخ وو او تشنابونو، د خبر ثبتولو وسایلو او د اوبو بوتلونو ته یې ډېر محدود لاسرسی لاره. د راپور له مخې؛ امریکايي خبریالانو ته هم اجازه ورنهکړل شوه، چې د ټرمپ د موټرو له کاروان سره یوځای شي.
