هند د منځني ختیځ د کړکېچ په اړه د برېکس غړو تر اختلاف وروسته ګډه اعلامیه خپره نهکړه
په نوي ډیلي کې د برېکس د بهرنیو چارو وزیرانو د کلنۍ غونډې په پای کې هند د ګډې اعلامیې پرځای «د غونډې د مشر اعلامیه» خپره کړه او اعلان یې وکړ، چې د منځني ختیځ د وضعیت په اړه د ځینو غړو ترمنځ د نظر اختلاف شته.
رویټرز راپور ورکړی، چې د برېکس په ډله کې برازیل، روسیه، هند، چین، سویلي افریقا، اېتوپیا، مصر، ایران، متحده عربي امارات او اندونیزیا شامل دي. د راپور له مخې؛ ایران او متحده عربي امارات له امریکا او اسراییل سره د تهران په جګړه کې په مخالفو خواوو کې دي. په دې جګړه کې ایران د خلیجي سیمو د نورو هېوادونو پرتله امارات تر ټولو ډېر په نښه کړی دی.
