روسيې او اوکراین د ۲۰۵ بندیانو تبادله وکړه
روسیې او اوکراین د جمعې په ورځ د یوې هوکړې لهمخې، چې د امریکا د ولسمشر ډونالډ ټرمپ په منځګړیتوب د رواني میاشتې د اوربند برخه وه، هر لوري ۲۰۵ جنګي بندیان تبادله کړل.
د روسیې دفاع وزارت ویلي، چې د دوی سرتېري دا مهال په بلاروس کې دي او هلته ورته لازم ملاتړ چمتو کېږي. مسکو زیاته کړې چې د دغې تبادلې په ترسره کېدو کې متحده عربي اماراتو هم منځګړیتوب کړی دی.
په ورته مهال اوکرایني لوري هم د خپلو سرتېرو بېرته راستنېدل تایید کړي دي.
دغه بندیان په داسې مهال تبادله شوي، چې دواړو هېوادونو د روانې میاشتې په پیل کې د ټرمپ په منځګړیتوب د هوکړې له مخې ژمنه کړې وه چې ۱۰۰۰ سرتېري به سره تبادله کوي. اوربند چې د مې له ۹مې تر ۱۱مې پورې و، د دواړو لوریو له خوا د سرغړونو له راپورونه هم ورکړل شوي.
