روسیه وايي د اوکراین په خارکیف سیمه کې یې د دوو کلیو کنټرول ترلاسه کړی دی
د روسیې دولتي خبري اژانس د دغه هېواد د دفاع وزارت په حواله راپور ورکړی، چې روسي ځواکونو د اوکراین د خارکیف په سیمه کې د دوو نویو کلیو کنټرول ترلاسه کړی دی.
د روسیې دولتي اژانس د شنبې په ورځ، د غويي ۲۶مه راپور ورکړی، چې روسي ځواکونو وکولای شول چې د اوکراین په ختیځ خارکیف سیمه کې د بورووا او کوتکیوکا په نومونو ستراتیژیک کلي د خپل کنټرول لاندې راولي.
د روسیې د دفاع وزارت په خپره شوې خبرپاڼه کې ویل شوي، چې دغه پرمختګ د یادې سیمې په جبهو کې د روسي سترېرو د ځانګړو عملیاتو په پایله کې شوی دی.
دا په داسې حال کې ده، چې د اوکراین د جګړې په کرښو کې نښتې لا هم په شدخت سره روانې دي، خو اوکرایني چارواکو تر اوسه د دغو دوو کلیو د سقوط په اړه رسنیو ته څه نه دي ویلي.
