ټرمپ: د امریکا او نایجریا ځواکونو د داعش یو لوړپوړی مشر په ګډو عملیاتو کې له منځه وړی
سپینې ماڼۍ ویلي چې د امریکا او د نایجریا د وسلهوالو ځواکونو په ګډو عملیاتو کې د داعش ترهګرې ډلې یو لوړپوړی غړی او د دې ډلې د مهمو قوماندانانو له ډلې ابو بلال المنوکي وژل شوی دی.
دغه څرګندونې د امریکا د ولسمشر ډونالډ ټرمپ له لوري په یوه بیان کې شوې چې سپینې ماڼۍ په خپل رسمي ایکسپاڼه کې خپور کړی.
ټرمپ ویلي چې دغه عملیات د هغه په مستقیم امر ترسره شوي او «په خورا دقیق پلان او پیچلي ډول» تنظیم شوي وو.
نوموړي زیاته کړې: «نن شپه زما په امر، زړورو امریکایي ځواکونو او د نایجریا وسلهوالو ځواکونو په ګډه داسې یوه بریالی او دقیقه پوځي ماموریت ترسره کړ چې په نتیجه کې د نړۍ تر ټولو فعال ترهګر له منځه یوړل شو. ابو بلال المنوکي، د داعش د دوهم مشر په توګه پېژندل کېده…»
سپینې ماڼۍ د عملیاتو د دقیق ځای او نورو جزیاتو په اړه نور معلومات نه دي ورکړي، خو ویلي یې دي چې دا ماموریت د ترهګرۍ ضد مبارزې په لړ کې یو مهم پرمختګ بلل کېږي.
