جوزجان کې د ازبک کورنۍ وژنه؛ راحله دوستم وایي له طالبانو پرته دا «جنایت» بل څوک نه‌شي کولی

د ازادۍ جبهې د شنبې په ورځ (د غويي ۲۶مه) د یوې اعلامیې په خپرولو سره ویلي، چې په تېره یوه میاشت کې یې د بدخشان د جُرم ولسوالۍ په خستک دره کې لږ تر لږه د طالبانو څلور بریدونه او کمینونه په شا تمبولي دي. دغې جبهې ادعا کړې، چې په دې نښتو کې طالبانو ته درانه تلفات اوښتي او شاتګ ته اړ شوي دي.

په اعلامیه کې راغلي، چې طالبانو د خپلو ماتو د پټولو لپاره پر عامو خلکو فشارونه زیات کړي دي. د ازادۍ جبهې د معلوماتو له‌مخې، طالبانو په سیمه کې د تګ راتګ محدودیتونه لګولي، کور په کور تلاشۍ یې پیل کړې او ان یو شمېر سیمه‌ییز طالبان یې هم نیولي دي. دغې جبهې زیاته کړې، چې د دوی فعال حضور د طالبانو په لیکو کې «وېره» خپره کړې ده.

دغې سیاسي او پوځي جبهې د بدخشان او ټول افغانستان له خلکو غوښتي، چې د طالبانو د واکمنۍ د پای ته رسولو لپاره د دوی ملاتړ وکړي. ازادۍ جبهې همدارنګه هغو ډلو ته چې د سولې په نوم د طالبانو د بقا لپاره کار کوي، خبرداری ورکړی، چې «له ازادۍ پرته سوله د اسارت دوام دی».

طالبانو تر اوسه په بدخشان کې د دغو نښتو او عملیاتو په اړه په رسمي ډول څه نه‌دي ویلي.

شرافت زمان امرخېل د شنبې په ورځ (د غويي ۲۶مه) په خپله اېکس پاڼه لیکلي، چې قصابان باید د کار پر مهال مناسب کاري لباس، دستکشې، ماسک، عینکې او موزې وکاروي. د هغه په خبره، د دې وسایلو کارول له قصابانو سره مرسته کوي، چې پر دې ناروغۍ اخته نه‌شي او ورسره به د یادې ناروغۍ له خپرېدو هم مخنیوی وشي.

کانګو یوه ویروسي ناروغي ده، چې تر ډېره د کنې د چیچلو او یا هم د اخته څارویو له وینې او انساجو سره د مستقیم تماس له لارې انسانانو ته لېږدول کېږي. دا ناروغي په انسانانو کې د شدیدې تبې او د بدن د داخلي وینې بهېدنې لامل کېږي، چې په ډېرو مواردو کې د ناروغ د مړینې سبب هم کېدای شي.

دغه ناروغي په لومړي ځل په ۱۹۴۴ کال کې پېژندل شوې ده. د روغتیایي کارپوهانو په وینا، د څارویو حلالول او د غوښې پروسس باید په بشپړ ډول په صحي شرایطو کې ترسره شي او د مناسبو محافظتي جامو کارول د دې وژونکې ناروغۍ د لېږد د مخنیوي تر ټولو غوره لاره ده.

نوموړي د شنبې په ماښام (د غويي ۲۶مه) په یوه پېغام کې ځان ته د جنرال مبین پر ځای د محمد مبین نوم کارولی دی. هغه وویل: «اوس مهال خپل کور کې یم، دې نظام ټول هغه اصولي مراتب ترسره کړي دي». د طالبانو د خواله رسنیو دې فعال په خپل پېغام کې له خپلې ډلې څخه کلک ملاتړ څرګند کړی دی.

محمد مبین وایي، د طالبانو محاکم او قاضیان د نظام او انسانانو د اصلاح لپاره دي. د نوموړي په خبره: «زندانونه د انسانانو د اصلاح لپاره دي. د نظام څپېړه دا د پلار څپېړه ده او دا کوم عیب هم نه دی». هغه ټینګار وکړ، چې په زندان کې یې رواني حالت ښه و او له هېڅ ډول شکنجې سره مخ شوی نه‌دی.

هغه ویلي: «کېدای شي په تېرو شلو کلونو کې له موږ څخه ځینې داسې خبرې شوې وي، چې د مشرانو به خوښې نه‌وې، نو اینده کې به دغه شی نه‌تکرارېږي».

د طالبانو د خواله رسنیو دغه فعال تر دې مخکې هم طالبانو نیولی وو. د نوموړي د نیول کېدو لامل په وار وار د پاکستان پر ضد توندې څرګندونې بلل شوي،‌ خو طالبانو په رسمي ډول د هغه د زنداني کېدو لامل نه‌دی روښانه کړی.

سرچینې: څو لوړپوړو طالب چارواکو د طالبانو د رسنیز فعال جنرال مبین د خوشې کولو هڅې پیل کړې | افغانستان انټرنشنل پښتو

تر دې مخکې افغانستان انټرنشنل خبر ورکړی وو، چې د طالبانو دننه یو شمېر کړۍ هڅه کوي، څو د طالبانو دغه تبلیغاتي غړی خوشې کړي.

نظاماني له اج ټلوېزیوني شبکې سره په مرکه کې وویل، چې اسرار نه‌یوازې دی د نښه ویشتونکو او پرمختللو وسلو له مرمیو وژغوره، بلکې خوندي ځای ته د لېږدولو پر مهال یې پر بریدګرو متقابلې ډزې هم کولې.

د سفیر په خبره، په دې بهیر کې یاد عسکر په سینه په دوو مرمیو ولګېد، خو بیا یې هم برید شنډ کړ. هغه زیاته کړه، چې د عسکر دا کار یوازې د یوه کس ژغورل نه، بلکې د پاکستان د «وقار» ساتنه وه.

سفیر د پېښې د سختو شېبو په یادولو سره وویل، چې عسکر په خپلو وینو لړلی وو، خو بیا یې هم د ده د بدن پلټنه کوله چې چېرته ټپي شوی نه وي. نظاماني وویل: «ما ورته وویل چې زه نه یم لګېدلی، ته لګېدلی یې. هغه راته وویل چې زه ښه یم او ټینګار یې کاوه چې لومړی باید سفیر ولېږدول شي».

وروسته د پاکستان د پوځي الوتکو په مرسته ټپي عسکر له کابل څخه پېښور ته ولېږدول شو او هلته یې په پوځي روغتون کې درملنه وشوه.

سره له دې چې پر سفیر مخامخ برید شوی وو، خو هغه له کابل څخه سمدستي وتل رد کړل. نظاماني وویل، که هغه ورځ له کابله وتلی وای، دښمن به رواني بریا ترلاسه کړې وای.

نوموړي پاکستاني ډېپلوماټان د پاکستان د دفاع په لومړۍ کرښه کې ولاړ عسکر وبلل او د خپل هېواد له پوځ او حکومت څخه یې مننه وکړه. د دغې پېښې په تړاو، سرتېري اسرار محمد ته د «ستاره بسالت» او سفیر عبیدالرحمن نظاماني ته د پاکستان د ولسمشر او لومړي وزیر له خوا د مېړانې مډالونه ورکړل شوي دي.

طاهر اشرفي د شنبې په ورځ (د غويي ۲۶مه) په لاهور کې په یوه خبري کنفرانس کې وویل: «دا وخت خیبر پښتونخوا او بلوچستان له ترهګرۍ سره مخ دي» او په خیبر پښتونخوا کې علما وژل کېږي.

هغه ادعا وکړه: «له دې څخه معلومېږي که په افغانستان کې د حامد کرزي دور وو، د اشرف غني دور وو او که اوس د طالبانو لنډمهالې واکمني ده، د پاکستان پر ضد د افغانستان له خاورې څخه د سازشونو لړۍ نه‌ده درېدلې».

هغه وویل: «موږ له خپل ریاست سره ولاړ یو، وینه که په بنو کې، چارسده، لکي مروت او يا په باجوړ کې تویېږي، د پاکستانیانو وینه تویېږي».

طاهر اشرفي تر مخکې هم ویلي وو، چې د پاکستان «دښمنان» په افغانستان کې حضور لري، طالبان یې ملاتړي دي او هڅه کوي دغه هېواد بې‌ثباته کړي.

پاکستان له اوږدې مودې راهیسې تور لګوي، چې د افغانستان خاوره د ترهګرۍ لپاره د پاکستان پر ضد کارېږي، خو طالبانو د پاکستان دغه تورونه رد کړي او په پاکستان کې یې روان وضعیت د دغه هېواد کورني مسایل بللي دي.