د خوړو نړۍوال پروګرام په نورستان کې له نږدې ۳۵۰ کورنیو سره د خوراکي توکو مرسته وکړه

د لوګر ولایت لپاره د طالبانو د امنیه قومندانۍ ویاند وايي، لومړۍ پېښه تېره ورځ په پل علم ښار کې رامنځته شوې او په‌کې دوه کسان ټپيان شوي او دویمه ورته پېښه په بره‌کي برک ولسوالۍ کې رامنځته شوې او له امله یې ۲ نور کسان هم ټپیان شوي دي.

د نوموړي په وینا، ټپیان د درملنې په موخه روغتونونو ته لېږدول شوي دي.

د پېښې لامل د موټر چلوونکو بې‌احتیاطي او د ټرافیکي قوانینو نه مراعاتول په ګوته شوي او یادې قومندانۍ له موټر چلوونکو غوښتي، چې له ګړندي تګ څخه ډډه وکړي او ترافیکي اصولو ته ژمن پاتې شي.

د طالبانو د امربالمعروف او نهې عن‌المنکر وزارت د شنبې په ورځ (د غويي ۲۶مه) د یوې خبرپاڼې په خپرولو سره ویلي، له یادو کسانو د سحر اړوند یو شمېر کتابونه او اسناد هم ترلاسه شوي دي.

په خبرپاڼه کې راغلي: «دغو کوډګرو له جادويي کتابونو او نورو وسایلو په استفادې سره هڅې کولې د کورنیو په منځ کې تفرقې او اختلافونه رامنځته کړي».

د دغه وزارت مسوولینو په ټینګار سره ویلي، سحر او جادو له کبیره ګناهونو او د فساد رامنځه کولو اصلي لاملونه دي او پر وړاندې به یې جدي چلند وکړي.

د دغه وزارت په وینا، په تېره یوه میاشت کې له بېلابېلو ولایتونو نږدې ۵۰ کوډګر نیول شوي او قضايي ارګانونو ته سپارل شوي دي.

عنایت الله الکوزي ویلي، چې د مخابراتو وزارت د اترا ادارې د سیمکارتونو د تګلارې د پېلو کېدو له پیل څخه تر دې دمه ۳۰ میلیونه مخابراتي سیمکارتونه په قانوني ډول شوي دي.

نوموړي زیاته کړې، چې د سیمکارتونو د ثبت لړۍ د خلکو په غوښتنه او د مخابراتي مارکیټ له ارزونې وروسته پیل شوې، څو افغانستان باید افغانستان کې داسې سیمکارت شتون ونه لري، چې د خلکو د ازار، اذیت او یا هم د نورو ستونزو لامل شي.

خو ډیری کسان بیا د طالبانو له لوري د سیمکارتونو د ثبت پر پروسې سختي نیوکې کوي او وايي، چې د یوه سیمکارت د ثبت لپاره په ورځو ورځو انتظار کوي.

د طالبانو سترې محکمې نن د شنبې په ورځ په یوه اعلامیه کې ویلي، چې عبدالحکیم حقاني کندوز، بدخشان، بلخ، جوزجان او بغلان ولایتونو ته سفر کړی دی. د اعلامیې له مخې، حقاني د طالبانو سیمه‌ييزو چارواکو باندې ټینګار کړی چې باید له یادې ډلې منندوی واوسي، ځکه په هېواد کې اسلامي نظام واکمن دی او هېڅ بهرنۍ لاسوهنه نشته.

حقاني د خپلې وینا په یوه برخه کې د خلکو په ځانګړې توګه د بندیانو او مجرمینو په وړاندې د ظلم مسلې ته په اشارې سره ویلي: «هېڅوک حق نه لري چې په خپل سر مجرم ته سزا ورکړي. له مجرم او بندي سره باید ښه چلند وشي؛ د هغوی په وړاندې هر ډول ظلم، ناوړه ګټه اخیستنه او نامناسب چلند د منلو وړ نه دی او باید مخنیوی یې وشي».

حقاني د ډلې ځواکونو ته په خطاب کې زیاته کړې: «هڅه وکړئ چې پر هېچا ظلم ونه کړئ، ځکه هغه پوځ چې ظلم کوي دوام نه کوي.»

عبدالحکیم حقاني د طالبانو یو له بنسټ اېښودونکو او د دغې ډلې له خورا اغېزمنو شخصیتونو څخه دی. خو نوموړی پداسې حال کې د بې‌عدالتۍ د مخنیوي خبرې کوي، چې د طالبانو اداره تل د صحرايي محاکمو، خپل‌سري غچ اخیستنو او د بندیانو د شکنجې په تورونو تورنه شوې ده.

د ملګرو ملتونو په ګډون د نړیوالو سازمانونو راپورونه ښیي چې سلګونه پخواني امنیتي ځواکونه وژل شوي، شکنجه شوي او ورک شوي دي، هغه کسان چې د داعش سره د یوځای کیدو په تور تورن وو پرته له محاکمې څخه وژل شوي او ځینې سیاسي بندیان په زندانونو کې د شکنجې له امله مړه شوي دي.

دا لومړی ځل نه دی چې د طالبانو یو لوړ پوړي چارواکي د ډلې د ظلمونو د پایلو په اړه خبرداری ورکړی دی، له دې وړاندې هم د طالبانو د کورنیو چارو وزیر سراج الدین حقاني ویلي ،، چې «نظام له ظلم سره دوام نه کوي.»

عبدالحکیم حقاني پخپله د هاګ په نړیواله جنایي محکمه کې د بشریت پر وړاندې د جرمونو په تور مطلوب دی.

احمدالله وثیق د شنبې په ورځ، له شمشاد ټلوېزیون سره په مرکه کې وویل: «دا له افغان شخصیتونو سره د اړیکو د کمېسیون پالیسي ده چې هر افغان حق لري بېرته کور ته راستون شي او په دې هېواد کې د یوه افغان په توګه ژوند وکړي. دا د دوی وطن دی او دا د دوی حق دی.»

اشرف غني د اګست په ۱۵مه، ۲۰۲۱ کې له افغانستان څخه ووت، د افغانستان حکومت سقوط وکړ او طالبانو د دوهم ځل لپاره واک ترلاسه کړ.

اشرف غني د ۲۰۲۱ کال د اګسټ په ۱۵مه له افغانستان نه ووت، چې ورسره سم د پخواني حکومت نظام سقوط وکړ او طالبانو د دویم ځل لپاره واک ترلاسه کړ. ښاغلی غني چې اوسمهال په متحده عربي اماراتو کې ژوند کوي، په تېرو نږدې پنځو کلونو کې په وار وار د افغانستان پر وضعیت تبصرې کړې او د طالبانو پر ځینو پالیسیو یې نیوکې کړې دي. نوموړي تېر کال د افغانستان د کړکېچ د حل لپاره د ملي خبرو اترو غوښتنه وکړه او ویې ویل، که چېرې خلک وغواړي، دی چمتو دی چې د دغه کړکېچ په هواري کې رول ولوبوي.

وروسته له هغه چې طالبانو د افغانستان واک بېرته ترلاسه کړ، له افغان شخصیتونو سره د اړیکو لپاره یې یو ځانګړی کمېسیون جوړ کړ. که څه هم یو شمېر پخواني چارواکي د دغه کمېسیون په بلنه افغانستان ته ستانه شوي، خو مشهورو سیاسي مشرانو، د پخواني حکومت لوړپوړو چارواکو او ټولنیزو فعالانو تر اوسه د طالبانو دغه بلنه نه ده منلې.