تاجکستان تر ۲۰ کلنو کم عمره افغان فوټبال لوبډلې ته ماتې ورکړه
تر ۲۰کلنو کم عمره د افغانستان د فوټبال ملې لوبډلې د مرکزي اسیا فوټبال اتلولۍ سیالیو(کافا جام) په لړ کې خپله درېیمه لوبه تاجکستان ته وبایلله.
دغه سیالي چې د تاجکستان په پلازمېنه دوشنبه ښار کې ترسره شوه، افغان لوبډلې د۲ ـ ۰ګولونو په توپیر له کوربه تاجکستان څخه ماتې وخوړه.
ټاکل شوې د افغانستان تر شل کلونو کم عمره ملي لوبډله د دغو سیالیو وروستۍ لوبه راتلونکې یکشنبه، د غويي په ۲۷مه، د قرغیزستان پر وړاندې ترسره کړي.
د یادونې ده چې د مرکزي اسیا د فوټبال اتلولۍ سیالۍ د روانې میلادي میاشتې په ۱۲مه نېټه د تاجکستان په کوربهتوب پیل شوې او د همدې میاشتې تر ۱۹مې به دوام وکړي. په دغو سیالیو کې د افغانستان ترڅنګ د ترکمنستان، ازبکستان، قرغیزستان او تاجکستان لوبډلې ګډون لري.
