بریتانیا په منځني ختیځ کې د نوي او ارزانه ډرون ضد وسلې د ځای پر ځای کولو خبر ورکړی
د بریتانیا حکومت اعلان کړی چې په منځني ختیځ کې یې د ډرون ضد یوې نوې او کملګښته وسلې سیستم ځای پر ځای کړی دی.
دغه سیستم، چې «ایپيکېډبلیواېس» نومېږي، پر ټایفون جنګي الوتکو نصبېږي او د لېزري هدفنیونې په وسیله غیرهدایت کېدونکي توغندي په دقیقو او ارزانه وسلو بدلوي، چې د ډرونونو او نورو ګواښونو د نسکورولو وړتیا لري.
د بریتانیا د دفاع وزارت ویلي، دا سیستم یې د پوځي صنایعو په چټکې همکارۍ یوازې په څو میاشتو کې د ازموینې له پړاو څخه د عملي کارونې مرحلې ته رسولی دی. د یاد وزارت په وینا، د دې اقدام له لارې به بریتانوي وګړي او سیمهییز شریکان د ډرون بریدونو پر وړاندې له لا زیات امنیت او ساتنې برخمن شي.
