محمود خان اڅکزي له عمران خان سره د لیدنې لپاره حکومت ته درې ورځنی ضرب الاجل وټاکه

سیمه‌ییزې سرچینې وایي، د صدرا چنه او محمد حسن برړو ترمنځ د خوښې واده وروسته د دواړو کورنیو ترمنځ شخړه رامنځته شوې چې وروسته د لور د کورنۍ له لوري پر مقابل کلي برید شوی او یو شمېر کورونو ته اور ورواچول شوی.

د راپورونو له مخې، د برړو قبیلې خلک له خپلو کورونو وتلو ته اړ شوي او ګڼ شمېر کورونه يي وسوځېدل.

صدرا چنه ویلي چې واده یې په قانوني توګه او د محکمې له لارې کړی، نه چا تښتولې او نه هم ورته د میړه لخوا کوم ګواښ شوی دی.

هغه زیاتوي چې پر هغې لګېدلي تورونه د کم عمرۍ ناسم ادعاوې دي او په خپله خوښه له کوره وتلې .

د سوځیدلي کلي د اوسیدونکو په وینا ، د دې پېښې له امله د ټول کلي وضعیت خراب شوی او له امنیتي ادارو یې د مرستې غوښتنه کړې ده.

پولیسو ویلي چې د پېښې په تړاو د چنه قبیلې پر ۳۰ کسانو یې مقدمه ثبت کړې او ۵ تنه نیول شوي دي، په داسې حال کې چې د نورو کسانو نیولو لپاره عملیات روان دي.
په ورته وخت کې د مینې دغه جوړه وایي چې د دوی ژوند له جدي ګواښ سره مخ دی او د خونديتوب غوښتنه یې کړې ده

د ګوند د معلوماتو سکرتر شېخ وقاص اکرام ویلي، د نظر اختلافونه د سیاسي بهیر طبیعي برخه ده او باید د وېش په معنا تعبیر نه شي. هغه زیاته کړې: «کله چې خبره عمران خان ته راځي، ټول یو موټی دي.»

دا څرګندونې وروسته له هغې مخې ته راغلې چې ځینو راپورونو کې د ګوند دننه د پرېکړو، احتجاجي تګلارو او پارلماني رول په اړه د اختلافونو یادونه شوې وه.

د پي ټي اې ځینو غړو ویلي چې ګوند د ګډې ستراتیژۍ په جوړولو کې له ستونزو سره مخ دی او د پرېکړو بهیر روښانه نه دی، خو بل لوري بیا دا ادعاوې ردوي او وایي چې دا یوازې د ګوند پر ضد روان تبلیغاتي کمپاین دی.

شېخ وقاص اکرام ټینګار کړی چې پاکستان تحریک انصاف د عمران خان پر «ایډیالوژۍ» ولاړ ګوند دی او هېڅ ډول هڅه به یې د وېش لامل نه شي.

هغه ویلي: «هر څوک چې د عمران خان د کمزوري کولو هڅه کوي، ولس به یې هېڅکله ونه مني.»

د ګوند مشرتابه په ټینګار سره وایي چې ټول غړي د خپل بنسټ اېښودونکي تر لارښوونې لاندې یو موټی پاتې دي.

پاکستان د خپلې برښنا شاوخوا یو پر پنځمه برخه له مایع طبیعي ګاز څخه تولیدوي، خو د ګازو د بیو زیاتوالي د برښنا بیې لوړې کړې او پرله‌پسې برښنا پرې کېدو سوداګرۍ او ورځنی ژوند اغېزمن کړی دی.
د پاکستان اوسېدونکي وایي، د خوراکي توکو، سون توکو او نورو اړتیاوو د بیو لوړېدو خلک له سخت اقتصادي فشار سره مخ کړي او ګڼې کورنۍ د ژوند لومړنیو اړتیاوو پوره کولو ته نه رسېږي.
بلخوا، حکومت د انرژۍ د سپما لپاره څلور ورځنۍ کاري اوونۍ اعلان کړې او دوکانونو ته یې ویلي چې د شپې تر اتو بجو وروسته وتړل شي.
خو اوس حکومت د اختر په رانږدې کیدو له امله یاد محدودیتونه را کم کړي

پاکستاني چارواکي وایي، د وارداتو د لګښتونو د زیاتوالي له امله اړ دي چې د خوراکي توکو او ټرانسپورټ بیې لوړې کړي، ځکه نړیوال مالي بنسټونه حکومت ته د اولس لپاره د‌ حکومتي مالي مرستې ورکولو اجازه نه ورکوي.

کارپوهان خبرداری ورکوي، که روان وضعیت دوام وکړي او د اوړي په میاشتو کې د بریښنا اړتیا زیاته شي، نو د انرژۍ بیې به نورې هم لوړې او اقتصادي بحران به لا ژور شي.

د راپورونو له مخې، د چاغي ولسوالۍ په مرکز دالبندین کې وسله‌والو کسانو د ښار په بېلابېلو سیمو کې لارې تړلې او وروسته یې د ښار پر مرکزي پولیس تاڼه برید کړی دی.

سرچینې وایي، بریدګرو تاڼې ته اور اچولی او د ګډوډۍ پر مهال یو شمېر بندیان هم له زندانه تښتېدلي دي.

پولیسو ویلي، له برید وروسته امنیتي ځواکونه سیمې ته رسېدلي او له وسله‌والو سره یې نښته کړې، چې وروسته بریدګر له سیمې تښتېدلي دي.

د پولیسو په وینا، وضعیت اوس تر کنټرول لاندې دی، خو د بریدګرو د نیولو لپاره د لټون عملیات دوام لري.

د روغتون سرچینو د ډزو له امله د دوو کسانو د ټپي کېدو خبر ورکړی دی.

بلخوا، د پنجګور ولسوالۍ په یوه بله پېښه کې هم وسله‌والو کسانو د ګمرک پر یوې پوستې برید کړی او یو موټر یې سوځولی دی.

امنیتي چارواکي وایي، ځواکونه سیمې ته رسېدلي او د برید د څرنګوالي او بریدګرو د هویت په اړه پلټنې روانې دي.

په بلوچستان کې دا تازه بریدونه په داسې حال کې کېږي چې په وروستیو اوونیو کې د امنیتي ځواکونو، دولتي تاسیساتو او ترانسپورټي لارو پر ضد د وسله‌والو بریدونو پېښې زیاتې شوې دي.

د پاکستان د بشري حقونو کمېسیون د شنبې په ورځ (د غويي ۲۶مه) د یوې اعلامیې په خپرولو سره ویلي، د خیبر پښتونخوا او بلوچستان «وګړي د جبري لادرکۍ، هدفي وژنو او وسله‌والو بریدونو تر منځ راګیر دي».

یاد کمېسیون په خیبر پښتونخوا کې د بنو، باجوړ او لکي مروت وروستي خونړیو بریدونو ته په اشارې په یادو سیمو کې یې د وسله‌والو فعاليتونه او امنيتي وضعيت «ورځ تر بلې خرابېدونکی» بللی دی.

د اعلامیې له‌مخې، د بلوچستان په مستونګ سیمه کې د ګوادر پوهنتون د مشرتابه او دوو نورو کارکوونکو د تښتونې ادعا، په داسې حال کې چې دوی له ګوادر څخه کوټې ته پر لاره وو، «د لویو لارو د امنیت ساتلو او د ملکي وګړو د خوندیتوب په برخه کې د دولت پر وړتیاوو جدي پوښتنې راپورته کوي».

د بشري حقونو کمېسیون د بلوچستان په نوشکي کې د يوه استاد پر وژنې د اندېښنې څرګندولو ترڅنګ، حکومت ته يادونه کړې، چې «کله ښوونکي او اکاډمیک کسان تښتول کېږي یا په ډزو وژل کېږي، پایلې یې له انفرادي تراژیدیو ډېرې پراخې وي».

د یادونې وړ ده، چې په دې وروستیو کې په خیبرپښتونخوا او بلوچستان کې د نا امنیو لمن پراخه شوې او له امله یې د ځايي دولتي ځواکونو په ګډون ګڼو ولسي وګړو ته هم مرګ‌ژوبله اوښتې ده.