د سنټکام ویاند: ایران د نړیوال امنیت لپاره ښکاره ګواښ دی
د امریکا د مرکزي قوماندې (سنټکام) ویاند ویلي، چې د ایران اسلامي جمهوریت د نړیوال امنیت او سیمهییز ثبات لپاره یو ښکاره ګواښ دی.
د سنټکام ویاند دغه څرګندونې د العربیه شبکې سره په مرکه کې کړې دي او ویلي یې دي چې د ایران له لوري د توغندیو او بېپيلوټه الوتکو (ډرونونو) وړتیا په وروستیو کې د پام وړ کمه شوې ده.
نوموړي زیاته کړې چې متحده ایالات له خپلو متحدانو سره په ګډه د هوايي دفاعي سیسټمونو د پیاوړتیا لپاره همکاري کوي، څو د احتمالي ګواښونو پر وړاندې چمتووالی زیات شي.
د سنټکام دغه څرګندونې په داسې حال کې شوې چې په وروستیو میاشتو کې په منځني ختیځ کې د امنیتي اندېښنو او پوځي تاوتریخوالي په اړه نړیوالې خبرې زیاتې شوې دي.
