د سنټکام ویاند: ایران د نړیوال امنیت لپاره ښکاره ګواښ دی

ټرمپ د اسراییلو له ۱۲م کانال سره په مرکه کې ویلي، چې لا هم باور لري ایران د یوې هوکړې د ترلاسه کولو لېوالتیا لري او تمه لري چې تهران به په راتلونکو ورځو کې نوی وړاندیز وړاندې کړي.

د راپور له مخې، ټرمپ د خبرو اترو لپاره د کوم وروستي ضرب‌الاجل له ټاکلو ډډه کړې، خو خبرداری یې ورکړی چې که د ایران د اټومي پروګرام په تړاو د امریکا غوښتنې پوره نه شي، نو سخت پوځي اقدامات به په پام کې ونیول شي.

هغه ویلي: «موږ غواړو یوې هوکړې ته ورسېږو، خو ایرانیان اوس په هغه ځای کې نه دي چې موږ یې غواړو. هغوی باید هلته ورسېږي، که نه نو سخت ګوزار به وویني.»

ټرمپ همداراز خبرداری ورکړی: «که دوی له غوره وړاندیز سره را نه شي، موږ به هغوی تر هر هغه اقدام سخت په نښه کړو چې تر اوسه مو ترسره کړی دی.»

د راپور پر بنسټ، نوموړي دا هم ویلي چې د یکشنبې په ورځ یې له بنیامین نتنیاهو سره ټیلیفوني خبرې مثبتې وې او د خبرو ډېره برخه د ایران پر وړاندې د جګړې او سیمه‌ییز وضعیت پر موضوع راڅرخېده.

پولیسو په وینا، د وژل شوي کس جسد او ټپیان روغتون ته لېږدول شوي او په ژوبلو کسانو کې یو تن عامه وګړی هم شامل دی.
د ځایي پولیسو د معلوماتو له مخې، یاد موټر هغه وخت د چاودنې ښکار شو چې له اورکزو څخه کوهاټ ته په لار و.

سرچینې وایي، په چاودنه کې دولتي کارمندان په نښه شوي خو جزیات نه دي ورکړ‎ل شوي.

د چارواکو په خبره، د چاودنې د نوعیت معلومولو لپاره پلټنې روانې دي.

د سپینې ماڼۍ د خبرپاڼې له‌مخې، د امریکا ولسمشر ډونالډ ټرمپ او د چین ولسمشر شي جین‌پینګ د لوړې کچې دوه‌اړخیزو خبرو پر مهال د دواړو هېوادونو د اړیکو، نړیوال امنیت او اقتصادي همکاریو په اړه بحثونه شوې دي.

خبرپاڼه زیاتوي، چین هوکړه کړې، چې د امریکا د الوتکو جوړولو له ستر شرکت «بوینګ» څخه ۲۰۰ مسافر وړونکې الوتکې وپېري او امکان شته چې دغه شمېر ۷۵۰ الوتکو ته ورسېږي. سپینې ماڼۍ دا تړون د امریکايي تولیداتو او کارګرانو لپاره مهم اقتصادي پرمختګ بللی دی.

دواړو مشرانو د منځني ختیځ د وضعیت په اړه هم خبرې کړې دي. د سپینې ماڼۍ په وینا، واشنګټن او بېجينګ موافقه کړې، چې ایران باید د هُرمز تنګي کنټرول ترلاسه نه‌کړي، ځکه دغه سمندري لاره د نړیوالې انرژۍ او سوداګرۍ لپاره حیاتي اهمیت لري.

د امریکا د خزانې وزیر سکاټ بېسنټ ویلي، دواړه هېوادونه د ګډې پانګونې د یوې ځانګړې ادارې یا بورډ پر جوړېدو هم بحث کوي، څو د امریکا او چین ترمنځ اقتصادي همکاري نوره هم پراخه شي.

سپینې ماڼۍ ویلي، ولسمشر ټرمپ د خپل سفر په پای کې شي جین‌پینګ ته بلنه ورکړې، چې د روان کال په وروستیو کې واشنګټن ته سفر وکړي.

بل‌خوا، د امریکا حکومت وايي، چې د هېواد صنعتي تولیدات په تېرو څه باندې دولسو میاشتو کې تر ټولو لوړې کچې ته رسېدلي او دا د امریکا د تولیدي سکټور د پیاوړتیا نښه ده.

د ولسمشر ټرمپ د اقتصادي سلاکارانو شورا هم ویلي، خصوصي بازارونو ته د تقاعدي سپما حسابونو د پانګونې پرانېستل کولی شي د امریکا اقتصاد ته شاوخوا ۳۵ میلیارده ډالره تزریق کړي.

سپینې ماڼۍ په یوې بلې برخه کې ویلي، ولسمشر ټرمپ د میندو د ملاتړ لپاره د «مومز ډاټ ګوف» په نوم نوې دولتي وېب‌پاڼه پرانېستې، څو میندې او امېندواره ښځې د روغتیا، مالي مرستو او کورنیو خدماتو معلوماتو ته اسانه لاسرسی ولري.

د امریکا ولسمشر همداراز د «پولیسو د یاد ورځې» او «د پولیسو اونۍ ۲۰۲۶» په مناسبت د امنیتي ځواکونو د قربانیو ستاینه کړې او د قانون پلي کوونکو ادارو پر ملاتړ یې ټینګار کړی دی.

سپینې ماڼۍ زیاته کړې، چې ولسمشر ټرمپ د امریکا د تاریخي شخصیتونو د درناوي لپاره په واشنګټن کې د «امریکايي اتلانو ملي بڼ» د جوړېدو اعلان هم کړی او د وسله‌والو ځواکونو د ورځې په مناسبت یې امریکايي پوځیانو ته د مننې ځانګړی پیغام هم استولی دی.

د سیمه‌ییزو چارواکو د معلوماتو له‌مخې، یاد بریدونه تېره شپه شوي دي او دا په تېر یوه کال کې پر مسکو د اوکراین د بې‌پیلوټه الوتکو تر ټولو ستر برید بلل شوی دی.

پر همدغه مهال د روسیې د دفاع وزارت تایید کړې، چې په تېرو ۲۴ ساعتونو کې یې په روسیه کې تر ۱۰۰۰ ډېر اوکرایني ډرون راغورځولي دي، خو د اوښتو زیانونو په اړه یې څه نه دي ویلي.

دا بریدونه وروسته له هغه کېږي چې د اوکراین ولسمشر ولادیمیر زېلېنسکي د تېرې جمعې په ورځ د جګړې له پیل راهیسې پر کییف د روسیې د تر ټولو درنو ډرون او توغندیزو بریدونو د غچ اخېستلو ژمنه کړې وه.

د راپور له مخې د سویلي کوریا د ولسمشرۍ ماڼۍ ویلي، ټرمپ د چین له ولسمشر شي جین پینګ سره د خپلې لیدنې د پایلو په اړه لي جې میونګ ته معلومات ورکړي، چې د امریکا او چین اړیکې، اقتصادي او سوداګریز تړونونه، د کوریا ټاپووزمې وضعیت او د منځني ختیځ حالات پکې شامل وو.

د راپور له مخې، د سویلي کوریا ولسمشر ویلي چې د ټرمپ او شي جین پینګ خبرې د کوریا ټاپووزمې د مسالو په تړاو رغنده وې.

سپینې ماڼۍ ته نږدې سرچینو ویلي، ټرمپ د سویلي کوریا ولسمشر ته ډاډ ورکړی چې واشنګټن به له سیول سره په نږدې همکارۍ د کوریا ټاپووزمه کې د سولې او ثبات لپاره خپلو هڅو ته دوام ورکړي.

بل لور ته، لي جې میونګ ویلي چې د امریکا او چین ترمنځ د اړیکو باثباته مدیریت به د سیمې او نړۍ د سولې او سوکالۍ لپاره مهم رول ولوبوي.