پر مسکو د اوکراین د بېپیلوټه الوتکو په برید کې څلور کسان وژل شوي
سیمهییزو چارواکو رویټرز ته ویلي، چې اوکراین په تېر یوه کال کې پر مسکو د بېپیلوټه الوتکو تر ټولو لوی برید کړی. په دغه برید کې په مسکو کې لږترلږه درې کسان وژل شوي او یو بل له اوکراین سره پر پوله وژل شوی دی.
د سیمهییزو چارواکو د معلوماتو لهمخې، یاد بریدونه تېره شپه شوي دي او دا په تېر یوه کال کې پر مسکو د اوکراین د بېپیلوټه الوتکو تر ټولو ستر برید بلل شوی دی.
پر همدغه مهال د روسیې د دفاع وزارت تایید کړې، چې په تېرو ۲۴ ساعتونو کې یې په روسیه کې تر ۱۰۰۰ ډېر اوکرایني ډرون راغورځولي دي، خو د اوښتو زیانونو په اړه یې څه نه دي ویلي.
دا بریدونه وروسته له هغه کېږي چې د اوکراین ولسمشر ولادیمیر زېلېنسکي د تېرې جمعې په ورځ د جګړې له پیل راهیسې پر کییف د روسیې د تر ټولو درنو ډرون او توغندیزو بریدونو د غچ اخېستلو ژمنه کړې وه.
