طالبانو د زرګونو نشهيي ټابلیټونو او ډالرو د قاچاق د مخنیوي خبر ورکړی
د طالبانو د سرحدي پولیسو ریاست وايي، چې د تېرې یوې میاشتې په لړ کې یې په حیرتان، اسلامکلا او ابریښمپُل بندرونو کې د نږدې ۱۳ زره نشهيي ټابلیټونو او سلګونو زرو امریکايي ډالرو د قاچاق مخه نیولې ده. د چارواکو په وینا، د دغو قضیو په تړاو په یادو بندرونو کې ۳۴ کسان هم نیول شوي دي.
د طالبانو د سرحدي پولیسو ویاند ویلي، د دغو قضیو په تړاو یې ۳۴ کسان هم نیول شوي دي.
نوموړي زیاته کړې، چې په همدې موده کې د هیواد بهر ته د سلګونو زرو امریکايي ډالرو د قاچاق مخه هم نیول شوې ده.
