د منځنۍ اسیا اتلولۍ؛ افغانستان د قرغیزستان پر وړاندې بې‌ګوله مساوي شو

دغه سیالۍ د ۲۰۲۶کال د جاپان ناګویا اسیایي لوبو ته د سهمیې ترلاسه کولو په موخه ترسره کېږي. د یاد فدراسیون د اعلان له مخې؛ د غوراوي سیالۍ به نن په ازبکستان کې پیل شي او افغان لوبغاړي له خپلو اسیایي سیالانو سره د سیالۍ لپاره بشپړ چمتووالی لري.

همداراز ټاکل شوې، د افغانستان د رزمي لوبو د لویانو لوبډله چې ۲۰ لوبغاړي او روزونکي په‌کې شامل دي؛ د چهارشنبې په ورځ د ۲۰۲۶کال (د مئ ۲۰مه) ازبکستان ته ولاړه شي؛ څو په دغه سیالیو کې ګډون وکړي.

د فدراسیون مسوولینو ویلي، چې د دغه سیالیو په پای کې به څلور لوبغاړي د ناګویا اسیایي لوبو لپاره او څلور نور به د اسیا د دننه تالار لوبو لپاره وټاکل شي.

د ننګرهار د زندانونو چارو د سمون رييس سهیل سعید د یکشنبې په ورځ (د غويي ۲۷مه) ویلي: «په ننګرهار مرکزي زندان کې د ردالظلم تر عنوان لاندې د والیبال ټورنمنټ جوړ شو، چې نن یې پایلوبه وه. په دغه ټورنمنټ کې د ۱۰ ولایتونو لوبډلو شرکت لاره او د ټیمونو تعداد ۴۰ ته رسېده».

له دې سره سم، د ننګرهار ولایت لپاره د طالبانو د رسنیو دفتر هم د یکشنبې په ورځ د یوې خبرپاڼې په خپرولو سره پرته له دې چې د «ردالظلم» کلمه یاده کړي ویلي، دغه سیالۍ د ننګرهار مرکزي زندان کې د ۱۰ ولایتونو د لوبډلو او سیمه ییزو کلپونو ترمنځ شاوخوا یوه میاشت مخکې پیل شوې وې.

د خبرپاڼې له‌مخې، د دغې سیالۍ پایلوبه د«بډيالۍ» او «کوز کونړ»لوبډلو تر منځ ترسره شوه او بالاخره لوبه ۳ د صفر پر وړاندې پایلې سره د «بډیالۍ» لوبډلې په اتلولۍ پایته ورسېده.

د یادونې وړ ده، چې پاکستان پر افغانستان د بریدونو له پیل سره خپلو دغو بریدونو ته د «غضب‌للحق» نوم ورکړ او طالبانو یې بیا خپلو ځوابیه بریدونو ته د «ردالظلم» نوم ورکړ.

دغه نړیوالې سیالۍ د بېلابېلو هېوادونو د ورزشکارانو په ګډون ترسره شوې چې علي بلال پکې د خپلې لوړې بدني وړتیا، چمتووالي او پیاوړي حضور له لارې د سیالیو د غوره څېرو ترمنځ ځای خپل کړ.

د سیالیو په پایله کې کیرون هولډن د امریکا استازي لومړی مقام خپل کړ او علي بلال د نایب اتلولۍ مقام ترلاسه کړ.

علي بلال تر دې وړاندې هم په «نیویارک پرو» سیالیو کې ځلانده کارنامه لرله او د دغو سیالیو اتلولي یې خپله کړې وه؛ هغه بریا چې د افغانستان د ورزش مینه‌والو ترمنځ یې پراخ غبرګونونه راپارولي وو.

د نړیوالو مسلکي سیالیو په ډګر کې د علي بلال دوامداره بریاوو د ورزش د مینه‌والو پام ځانته اړولی او نوموړی یې د افغانستان د بدن ښکلا د ورزش له مخکښو او پېژندل شویو څېرو څخه ګرځولی دی.

علي بلال په وروستیو کلونو کې په ګڼو نړیوالو معتبرو سیالیو کې ګډون کړی او د بدن ښکلا د مسلکي ورزشکارانو ترمنځ یې د پام وړ ځای خپل کړی دی.

له کرکټ بورډ څخه په خپره شوې خبرپاڼه کې راغلي، چې په دغه سیالیو کې به د افغانستان ترڅنګ د هند الف او د سریلانکا الف لوبډلې هم برخه واخلي او ټاکل شوې چې د ځوانو او راتلونکو لوبغاړو ترمنځ د سیالۍ مهم ډګر جوړ کړي.

د اعلان شوي مهالوېش له مخې، دغه لوبلړۍ به د جون میاشتې په ۹مه نېټه د سریلانکا په ډمبولا ښار کې پیل شي او د جون تر ۲۱مې نېټې به دوام وکړي.

د سیالیو په لومړي پړاو کې به هره لوبډله څلور لوبې ترسره کړي، څو د پایلوبې لپاره غوره ټیمونه وټاکل شي.

افغان ابدالیان به خپله لومړۍ لوبه د جون په ۱۱مه نېټه د هند الف لوبډلې پر وړاندې ترسره کړي.

د کرکټ شنونکي باور لري چې دا ډول سیالۍ د ځوانو لوبغاړو لپاره مهم فرصتونه برابروي، څو نړیواله تجربه ترلاسه کړي او د افغانستان د ملي لوبډلې لپاره خپل استعدادونه وښيي.

د افغانستان د ټکواندو ملي لوبډلې روزونکي محمد بشير تره‌کي ويلي، مُحسن رضايي د سينوسايټ ناروغۍ د عملياتو له امله په دغو سياليو کې ګډون نه‌شي کولی او د هغه نشتوالی به د لوبډلې په ترکيب کې محسوس وي.

تره‌کي ټينګار کړی، چې د افغانستان د ټکواندو ملي لوبغاړي په بشپړ چمتووالي دغو سياليو ته تللي او هڅه به وکړي، چې افغانستان ته په اسيايي سیالیو کې سهميه ترلاسه کړي.

په همدې حال کې، د افغانستان د ټکواندو ملي لوبډلې غړو هم ويلي، چې له مياشتو تمرينونو وروسته چمتو دي، څو په دغو سياليو کې بريالۍ لوبې ترسره کړي.

د ۲۰۲۶ کال د اسيايي لوبو د سهميې د ترلاسه کولو د ټکواندو سيالۍ به د اسيايي هېوادونو د ورزشکارانو په ګډون د مې مياشتې له ۲۱مې تر ۲۵مې په منګوليا کې ترسره شي.