رویټرز: اسلاماباد د تهران وړاندیز له امریکا سره شریک کړی
رویټرز خبري اژانس د یوې پاکستانۍ سرچینې په حواله راپور ورکړی، چې اسلاماباد د منځني ختیځ د شخړو د پای ته رسولو په تړاو د ایران اصلاح شوی وړاندیز له امریکا سره شریک کړی. سرچینې زیاته کړې، چې دواړه هېوادونه «په دوامداره توګه خپلې سرې کرښې بدلوي».
د راپور له مخې؛ یادې سرچینې د اختلافاتو د حل لپاره د اړتیا وړ وخت په اړه د یوې پوښتنې په ځواب کې ویلي: «موږ ډېر وخت نهلرو». دا په داسې حال کې ده، چې پاکستان هڅه کوي د سیمې د روانو کړکېچونو په اړه د ډیپلوماټیکو اړیکو او منځګړیتوب له لارې د اختلافاتو د کمېدو لپاره رول ولوبوي.
