د ایران د بهرنیو چارو وزارت ویاند: د هر ډول احتمالي سناریو پر وړاندې په بشپړ ډول چمتو یو

د وژل شویو کسانو له ډلې درې د مسکو شاوخوا او یو کس د بلګورود په سیمه کې وژل شوی دی. روسیې ویلي، چې د هوايي دفاع سیسټمونه یې ۵۸۶ اوکرایني ډرونونه نسکور کړي دي.

د اوکراین ولسمشر ولادیمیر زېلېنسکي دغه بریدونه تایید کړي او ویلي یې دي، چې اوکراین د جګړې په ډګر کې پر روسیې برلاسی شوی دی. د اوکراین د حکومت په وینا؛ په دغه بریدونو کې د وسلو د پرزو یو الکترونیکي فابریکه، د تېلو پمپونه او د مسکو شاوخوا ځینې مهم تاسیسات په نښه شوي دي.

زېلېنسکي ویلي، چې اوکرایني ډرونونه تر ۵۰۰ کیلومترو زیات د روسیې خاورې ته ننوتلي او د مسکو د دفاعي سیسټمونو د ماتولو هڅه روانه ده. بل لور ته روسیې تېره اوونۍ پر اوکراین پراخ بریدونه کړي وو، چې له امله یې تر ۲۰ ډېر کسان وژل شوي او لسګونه نور ټپیان شوي وو.

د مسکو ښاروال ویلي، چې د ښار هوايي دفاعي سیستمونو تر ۸۰ ډېر ډرونونه شنډ کړي او ځینو سیمو ته لږ زیان اوښتی دی. دغه بریدونه داسې مهال شوي، چې د روسیې او اوکراین ترمنځ ډیپلوماټیکې هڅې لا هم بې‌پایلې پاتې دي او جګړه دوام لري.

دغه پرمختګونه د ټرمپ له لوري د ایران پرضد د نارسمي پیغامونو له زیاتېدو سره هم‌مهاله شوي دي. ټرمپ د یکشنبې په ماسپښین پر خواله رسنیو د ایران اړونده پوسټونو خپرول پیل کړي.
هغه پر «ټروت» خواله رسنۍ هم په لومړي پوسټ کې لیکلي: «د ایران لپاره د ساعت ټکار روان دی، هغوی باید ډېر ژر اقدام وکړي؛ که نه څه به یې په اوبو لاهو شي. وخت ډېر مهم دی».

وروسته له دې ټرمپ د یکشنبې تر پایه د دوو ساعتونو په موده کې د ایران پر ضد د جګړې او د هرمز تنګي د وضعیت په اړه ۹ نور پوسټونه خپاره کړل، چې ټول یې تصویري پیغامونه لرل.

هغه د مصنوعي ځیرکتیا پرمټ جوړ شوي هغه انځورونه هم بیا خپاره کړي، چې په‌کې د ایران د بېرغ لرونکو چټکو کښتیو پر لور د برید شېبې ښودل شوې وې او دارنګه یې د ایران د جګړې د مودې پرتله‌ییز ګراف له نورو امریکايي جګړو سره څو ځله بیا شریک کړی.

د روسیې دولتي اژانس (ریا) د دوشنبې په ورځ (د غويي ۲۸مه) د دغه هېواد د دفاع وزارت د ارقامو په حواله خبر ورکړی، چې روسي ځواکونو په تېره یوه اونۍ کې لږ تر لږه ۳ زره ۱۲۴ اوکرایني ډرون الوتکې کشف، رانسکورې او ویجاړې کړې دي.

د دغه خبري اژانس د راپور له‌مخې، تر ټولو ډېر ډرون الوتکې د مې په ۱۳مه او ۱۷مه رانسکورې شوي، چې په ترتیب سره ۵۷۲ او ۱ زره ۵۴ الوتکې له منځه وړل شوې دي؛ د دغو الوتکو ډېره برخه د روسیې د اروپایي برخې دپاسه ویشتل شوې ده.

دغه اژانس په دې اړه چې په همدې موده کې څومره اوکرایني ډورن الوتکې موخې ته رسېدلي او ایا مرګ‌ژوبله یې درلوده که نه؟ څه نه‌دي ویلي.

د راپورونو له مخې، دغه بریدونه د مارچ له دویمې نېټې راهیسې دوام لري او د وژل شویو ترڅنګ ۹۲۱۰نور کسان هم ټپیان شوي دي.

د دغو بریدونو دوام په داسې حال کې دی چې د امریکا د بهرنیو چارو وزارت مخکې د لبنان او اسراییل ترمنځ د ۴۵ورځني اوربند د غځېدو خبر ورکړی و، خو بیا هم جګړه‌ییز وضعیت او بریدونه نه دي درېدلي.

اسراییل تر دې وړاندې ادعا کړې وه چې د لبنان په سوېلي سیمو کې یې د پراخو عملیاتو پر مهال دحزب الله اړوند شاوخوا ۲۰هدفونه په نښه کړي دي.

بل لور ته، د خوړو نړیوال پروګرام خبرداری ورکړی چې لبنان د پرله‌پسې جګړو او هوايي بریدونو له امله د خوړو له سخت بحران او ناامنۍ سره مخ شوی دی.

د روان وضعیت له امله په لبنان کې د بشري وضعیت د لا خرابېدو اندېښنې زیاتې شوې دي، او نړیوال بنسټونه د جګړې د پای ته رسېدو او د ملکي وګړو د خوندیتوب غوښتنه کوي.

د جرمني د مالیې وزیر لارس کلینګ‌بایل ویلي: «د جي۷غونډه یو مناسب فرصت دی چې په کې د ایران د جګړې د پایدار پای ته رسېدو پر څرنګوالي خبرې وشي.»

نوموړي زیاته کړې چې د اروپا دریځ لا هم روښانه دی او اروپايي هېوادونه د تقابل پر ځای پر همکارۍ تمرکز کوي.

لارس کلینګ‌بایل ویلي: «موږ پر مشارکتونو، د باور وړ اړیکو، ازادې سوداګرۍ او د قانون د حاکمیت پر ځواک تکیه کوو.»

هغه همداراز د وروستیو نړیوالو بحرانونو یادونه کړې او ویلي یې دي چې دغو پېښو دا اړتیا نوره هم روښانه کړې چې جرمني او اروپا باید په ځانګړي ډول د خامو موادو، انرژۍ او د اکمالاتي ځنځیرونو په برخو کې خپلواک او لا پیاوړي شي.

د جرمني د مالیې وزیر دغه څرګندونې په داسې حال کې کړې چې د ایران د جګړې او د منځني ختیځ د امنیتي وضعیت په تړاو نړیوالې اندېښنې لا هم دوام لري.