افغان لوبغاړي محمد قاسمي اسیايي رزمي لوبو کې د برونزو مډال وګاټه
د طالبانو تر واک لاندې د المپیک، بدني روزنې او سپورټ ریاست وایي، افغان لوبغاړي محمد قاسمي د اسیايي رزمي لوبو په سیالیو کې د خپل هندي سیال په ماتولو سره د برونزو مډال ګټلی دی.
دغه سیالۍ چې د ۱۶ تر ۱۸ کلونو د عمر په ګروپ کې ترسره کېږي، قاسمي د ۴۵ کیلو ګرامه وزن په کټګورۍ کې ګډون کړی و. نوموړي له خپل تاجکي سیال نه تر ماتې خوړلو وروسته په وروستي پړاو کې هندي سیال ته ماتې ورکړه او د برونزو مډال یې خپل کړ.
په همدې سیالیو کې بل افغان لوبغاړي روحید ستانکزي د ۶۰ کیلو ګرامه وزن په کټګورۍ کې خپل ازبکستاني سیال ته ماتې ورکړې او ټاکل شوې، چې نن له خپل قزاقستاني سیال سره سیالي وکړي.
همداراز فیاض احمد ابراهیمي هم د خپل سیال له ټاکل کېدو وروسته نن د سیالۍ ډګر ته ښکته کېږي. دغه اسیايي سیالۍ چې د ازبکستان په کوربهتوب ترسره کېږي، له شلو څخه د زیاتو هېوادونو لوبغاړو پهکې ګډون کړی دی.
له افغانستان نه په دغه سیالیو کې پنځه لوبغاړو او یو روزونکي برخه اخیستې ده. دغه سیالۍ چې (د غویي په ۲۶مه) پیل شوې ټاکل شوې، چې نن سېشنبه (د غویي ۲۹مه) پای ته ورسېږي.
