نیویارک ټایمز: ایران د خپلو توغندیزو وړتیاوو بیارغونې لپاره د اوربند له فرصت څخه کار اخلي
نیویارک ټایمز راپور ورکړی، چې ایران د لنډمهالي اوربند له فرصت څخه ګټه پورته کړې؛ ترڅو د جګړې پرمهال په نښه شویو د لسګونه بالستیک توغندیو ځایونه پرانیزي.
د راپور له مخې؛ د توغندیو د ګرځنده ویشتګرونو ځای پرځای کول او د جګړې د احتمالي بیا پیل لپاره د تاکتیکونو تطبیق د دغه دورې په لړ کې د ایران حکومت لهخوا ترسره شوي نور اقدامات وو.
د امریکا یوه پوځي چارواکي ویلي: «د ایران ګڼ بالستیک توغندي په ګرانیتي غرونو او د ځمکې لاندې تاسیساتو کې موقعیت لري. د امریکا بریدونو په ځانګړې توګه د دغه ځایونو دروازې په نښه کړې او هغه یې نړولې دي؛ خو دوی ونه توانېدل چې په خپله تاسیسات ویجاړ کړي. اوس ایران د دغه ځایونو یوه د پام وړ برخه بېرته پرانیستې ده».
هغه زیاته کړه، ایراني چارواکو خپلې ډېرې پاتې وسلې لېږدولې او دا باور یې پیاوړی کړی چې دوی کولای شي په بریالیتوب سره د هرمز تنګي په تړلو، د فارس خلیج په ګاونډیو هېوادونو کې د انرژۍ زېربناوو په نښه کولو یا د امریکایي الوتکو ګواښلو سره د متحده ایالاتو پر وړاندې مقاومت وکړي.
