ایران خبرداری ورکړی چې که برید وشي جګړه به له منځني ختیځ نه نورو سیمو ته هم وغځوي
ایران د چارشنبې په ورځ خبرداری ورکړی چې که متحده ایالات پر دغه هېواد برید وکړي، نو جګړه به یوازې د منځني ختیځ تر حدودو محدوده پاتې نه شي، بلکې نورو سیمو ته به هم وغځېږي.
دا خبرداری وروسته له هغه ورکړل شو چې د امریکا ولسمشر ډونالډ ټرمپ پرون وویل چې نږدې یو ساعت مخکې یې د نظامي عملیاتو د بیا پیل پرېکړه کړې وه، خو په وروستۍ شیبه کې یې د ډیپلوماسۍ لپاره وځنډوله.
د راپورونو له مخې، د دواړو هېوادونو ترمنځ د جګړې د پای ته رسولو خبرې له تېرو شپږو اونیو راهیسې په لویه کچه بېپایلې پاتې شوې دي.
د پاکستان د کورنیو چارو وزیر هم یوځل بیا تهران ته سفر کړی، څو د دواړو خواوو ترمنځ د منځګړیتوب هڅې دوام ومومي.
اسلام اباد تر دې وړاندې هم د خبرو اترو یو پړاو کوربه توب کړی و.
