د لوبغاړو د ستاینې مراسم؛ د موتای لوبې افغان اتل یوسف جهانګیر سعودي عربستان ته لاړ

دغه وزارت د یوې اعلامیې په خپرولو سره د هغو اوازو په اړه وضاحت ورکړی، چې ګواکې ترکیه افغانانو ته ۲۰ زره کاري ویزې ورکوي. په اعلامیه کې راغلي چې دا موضوع د طالبانو د کډوالو او بېرته راستنېدونکو چارو وزارت له چارواکو سره د ترکیې د سفیر په لیدنه کې یاده شوې وه، خو دا مهال د کارګرانو د استولو لپاره کوم رسمي تړون شتون نه لري.

د طالبانو د کار او ټولنیزو چارو وزارت له ټولو افغانانو څځه په جدي توګه غوښتي چې په دې اړه د خپرو شویو اوازو ښکار نه شي. دغه وزارت ټینګار کړی چې خلک باید د کاري ویزو د ترلاسه کولو په پلمه هېڅ شخص، شرکت او یا کوم بل ادرس ته خپل اسناد او پیسې ورنه کړي.

وزارت په خپله اعلامیه کې روښانه کړې چې د افغان کارګرانو د اعزام مسله یوازې د اوازو تر حده ده او په دې برخه کې هېڅ رسمي پروسه نه ده پیل شوې. د طالبانو حکومت له خلکو غوښتي چې د درغلیو څخه د ځان ساتنې په موخه له هر ډول غیر رسمي معاملو ډډه وکړي او خپلې پیسې او اسناد خوندي وساتي.

تر دې مخکې راپورونه خپاره شوي وو چې ګني ترکیه د مالدارۍ په برخه کې افغانانو ته ۲۰زره کاري ویزې ورکوي.

مجاهد له ملي راډیو ټلویزیون سره په یوه مرکه کې ویلي، دا اصولنامه د اسلامي شریعت له مخې د علماوو له‌خوا جوړه شوې او موخه یې دا ده چې قاضیاند نابالغو د واده په قضیو، د نکاح د صحت، د ماشوم زیږون او مېراث په اړه چې محکمې ته مراجعه کیږي، اسانه او چټکه پرېکړه وکړي.

هغه زیاته کړې چې د حنفي فقهې له مخې پلار او نیکه د نابالغې لور یا لمسۍ په اړه د ولایت حق لري، خو دا صلاحیت شرطونه لري او په وینا یې، پلار یا نیکه باید روغ، مهربان، غیرظالم، له اعتیاد څخه پاک وي او له نجلۍ سره یې روابط خصمانه، نه بلکې دوستانه اوسي.

مجاهد ټینګار کړی چې دا حکم د طالبانو د محاکمو ځانګړې پرېکړه نه، بلکې د اسلامي شریعت موضوع ده خو په خبره یې، دا په دې معنا نه ده چې خلک دې خپلې نجونې په ماشومتوب کې واده کړي.

د طالبانو ویاند ویلي، د هبت‌الله اخوندزاده جلا فرمان شته چې د نجلۍ له رضایت پرته نکاح منع کوي. هغه زیاته کړې، کله چې د نجلۍ اجازه شرط وي، مانا یې دا ده چې نجلۍ باید بالغه وي او د خپل ژوند په اړه د پرېکړې حق ولري.

هغه وویل، « همدا اوس هم چې تاسو افغانستان کې ټلیفونونو ته زنګ ووهئ، له تماس ټینګیدو مخکې به تاسو د هبت الله فرمان واورئ چې وایي هېڅوک حق نه لري چې د نجلۍ له رضایت پرته هغه واده ته مجبوره کړي».

هغه وایي په دې اړه بیل قانون توشیح شوی دی.

مجاهد همداراز ادعا کړې چې د طالبانو محاکمو په تېر کال کې د جبري ودونو، د کم‌عمره ودونو او په بدو کې د نجونو د ورکولو د ګڼو قضیو مخه نیولې ده.

نوموړي ویلي، طالبان د ښځو هغو حقونو ته رسېدنه کوي چې د شریعت له مخې ورکړل شوي، خو د زوجینو د تفریق اصولنامه د عامو خلکو لپاره نه، بلکې د قضاتو لپاره ده، څو په پخوانیو او پېچلو کورنیو قضیو کې روښانه پرېکړې وکړای شي.

نوموړي ویلي، طالبان د اقتصادي خپلواکۍ، د کورنیو او بهرنیو پانګونو د جذب او د زیربنایي پروژو پلي کېدو ته ځانګړې پاملرنه کوي او د لاجورد کمپلیکس پروژه یې د دې سیاست یوه مهمه بېلګه وبلله.

ملا برادر د دغې پروژې د پرانیستې مراسمو کې وویل، لکه څنګه چې د قوش‌تېپې کانال، صنعتي فابریکې، د لویو لارو جوړول او د برېښنا تولید پروژې روانې دي، همدارنګه د ښاري پراختیا لپاره د ماسټر پلانونو د نهایي کېدو او عملي تطبیق چارې هم دوام لري.

د هغه په وینا، طالبان ځان مکلف ګڼي چې کورنیو او بهرنیو پانګوالو ته د ساختماني پروژو لپاره اسانتیاوې برابرې کړي.

نوموړي د دولت او خصوصي سکټور ګډ کار د اقتصادي ثبات او بیارغونې لپاره مهم وباله او له پانګوالو یې وغوښتل چې د ساختماني سکټور ترڅنګ په نورو برخو کې هم پانګونه وکړي.

ملا برادر همداراز وویل چې بلخ ته د خپل سفر پر مهال به له سوداګریزو بندرونو لیدنه وکړي، څو د بندرونو خدمات ۲۴ ساعته فعال شي او صادراتي او وارداتي چارې له ځنډ پرته ترسره شي.

هغه زیاته کړه چې د بېلابېلو سکټوري ادارو مسوولین هم ورسره مل دي، څو په بلخ کې د اقتصادي فعالیتونو، بندري چارو او شته ستونزو ارزونه وکړي او د حل لارې ورته پیدا کړي.

په دې کمپلیکس کې به ۱۴۴۸ عصري اپارتمانونه جوړ شي او نږدې ۷ زره کسانو ته به د کار زمینه برابره شي.

دغه معاونیت وایي ، دغه کمپلیکس به پر ۲۱ جریبه ځمکه جوړ شي او د استوګنیزو ودانیو ترڅنګ به پکې ښوونځي، روغتیايي مرکزونه، سوداګریزې برخې، شنې ساحې، جومات، د تفریح او ورزش ځایونه او نورې اړینې اسانتیاوې هم موجودې وي.

د طالبانو اړوند حریت راډیو د راپور له مخې، د مولانا جلال الدین بلخي نړیوال هوايي ډګر مرستیال عبدالغفار فاروقي د دغو الوتنو پیل د ایران او افغانستان ترمنځ نه یوازې د مسافرو لپاره اسانتیا بللې بلکې ویلي یې دي، چې د سوداګرۍ په برخه کې به هم د خلکو ستونزې راکمې کړي.

نوموړي له نورو نړیوالو هوايي شرکتونو هم غوښتي چې افغانستان ته خپلې الوتنې زیاتې کړي او له بېلابېلو ولایتونو سره مستقیمې الوتنې پیل کړي.

د راپور له مخې په مزار شریف کې د سیاحتي شرکتونو د اتحادیې مسوول حامد صمیم د ایران او افغانستان ترمنځ مستقیمې الوتنې د دواړو هېوادونو ترمنځ د سوداګریزو او ټولنیزو اړیکو لپاره مهمې وبللې.

مشهد، چې د ایران له مهمو مذهبي او اقتصادي ښارونو څخه شمېرل کېږي، هر کال ډېر افغانان د سوداګرۍ او سیاحت لپاره ورځي.

د یادونې وړ ده چې د ایران د معراج په نوم یوه بل هوايي شرکت الوتکه هم پرون کندهار ته رسېدلې وه.

سیمه‌ییزو سرچینو د چارشنبې په ورځ افغانستان انټرنشنل ته د یوې ویډیو په لېږلو سره ویلي، چې د طالبانو لوی درستیز فصیح‌الدین فطرت د بدخشان ولایت نسي ولسوالی ته سفر کړی دی.

د فصیح‌الدین فطرت د سفر موخه په یاد ولایت کې د سیمه‌ییزو طالبانو تر منځ د سرو زرو کانونو پر سر د راولاړې شوې شخړې هواری ښودل شوی دی.

په ورته مهال سرچینو ویلي، چې د بدخشان لپاره د طالبانو والي محمد اسماعیل غزنوي هم د سرو زرو د کانونو پر سر د راولاړي شوې شخړې د هواري په موخه مایمي، نسي، کوفاب او شکي ولسوالیو ته سفر کړی دی.
د سیمه‌ییزو سرچینو د معلوماتو له‌مخې، ویل کېږي چې طالبانو د خپلو ځینو سیمه‌ییزو قوماندانانو د نیولو لړۍ هم پیل کړې ده، چې په دې کسانو کې د زابل د طالبانو د مرستیال والي جمعه‌خان فاتح نږدې کسان هم شامل دي.

پر همدغه مهال د افغانستان په شمال ختیځ کې لږ تر لږه څلورو سرچینو د چارشنبې په ورځ افغانستان انټرنشنل ته ویلي چې د طالبانو د نظامي وسایطو کاروانونه د بدخشان ولایت پر لور روان دي.

افغانستان انټرنشنل ته رسېدلې ویډیوګانې ښيي، چې دغه کاروانونه د بدخشان مرکز فیض‌اباد ښار ته په حرکت کې دي. تر اوسه د دغو ځواکونو د شمېر او ماموریت په اړه جزییات نه دي خپاره شوي او طالب چارواکو هم په دې تړاو څه نه دي ویلي.

دا پرمختګ داسې مهال کېږي چې تازه هبت‌الله اخوندزاده پرېکړه کړې چې په بدخشان کې پر کانونو د کنټرول د پیاوړتیا لپاره به سیمې ته زر نور سرتیري واستوي.