روسیې او چین په یوه ګډه اعلامیه کې ویلي، چې ترهګر لا هم د افغانستان، سیمې او نړۍ لپاره جدي ګواښ بلل کېږي او له نړۍوالې ټولنې یې غوښتي چې له کابل سره د ترهګرۍ ضد همکاری پیاوړې کړي.
د روسیې او چین ولسمشرانو تر لیدنې وروسته په یوه ګډه اعلامیه کې ترهګري د افغانستان، سیمې او نړۍ لپاره یو جدي ګواښ بللی او له نړۍوالې ټولنې او ګاونډیو هېوادونو یې غوښتي چې له کابل سره د ترهګرۍ ضد دوه اړخیزې او څو اړخیزې همکارۍ پیاوړې کړي.
په اعلامیه کې راغلي، چې دواړو هېوادنو د افغانستان د ترهګرۍ ضد هڅو ملاتړ کړی او ژمنه یې کړې، چې د مسکو فارمټ، د روسیې ـ چین ـ ایران ـ پاکستان څلور اخیزې ډلې او د شانګهای د همکارۍ له لارې به د افغانستان د مسایلو په اړه همغږي زیاته کړي.
