په زابل کې د څلورو جلا ټرافیکي پېښو له امله درې کسه مړه او پنځه نور ټپیان دي

د سرچینو په وینا؛ په دغه کسانو کې د بېلابېلو عمرونو وګړي شامل دي. پولیسو ویلي، تر لومړنیو قانوني پړاوونو وروسته به ټول نیول شوي کسان د نورو قانوني اقداماتو لپاره د پاکستان د څېړنې فدرالي ادارې ته وسپارل شي.

پاکستاني پولیسو تېره ورځ هم د بلوچستان ایالت د تربت، دښتې، سري کهن او شاوخوا سیمو په بېلابېلو برخو کې ۷۰ افغانان نیولي وو. پاکستاني چارواکي وایي، دغه کسانو غوښتل د ایران له لارې په ناقانونه توګه اروپا ته ولاړ شي.

د یادونې وړ ده، چې کیچ ولسوالۍ ایران پولې ته څېرمه پرته ده او د یادې ولسوالۍ له بېلابېلو لارو افغان وګړي هڅه کوي چې ایران ته په ناقانونه توګه سفر وکړي.

د غور ولایت لپاره د طالبانو امنیه قومندانۍ د چهارشنبې په ورځ (د غويي ۳۰مه) د یوې خبرپاڼې په خپرولو سره ویلي، دغه کس د کابل- غور لویې لارې اړوند د دغه ولایت د لعل‌وسرجنګل ولسوالۍ څخه نیول شوی دی.

د خبرپاڼې‌ له‌مخې، یاد کس دغه مواد په یوه سوېفټ موټر کې ځای پر ځای کړي وو او غوښتل یې هغه کابل ته ولېږدوي، خو تر هغې مخکې نیول شوی دی.

د ایف یا ایفډرا په نوم طبیعي بوټی د افغانستان په مرکزي او غرنیو ولایتونو لکه غور، دایکندي او بامیان کې په طبیعي ډول راشنه کېږي او داسې کیمیاويي مواد لري چې په ښيښه (امفټامین) او کرسټال (مېټامفېټامین) خطرناکو نشه‌يي توکو په جوړولو کې د اصلي مادې په توګه کارول کېږي.

د سرچینو په وینا، دغه پېښه پرون چهارشنبه د غويي په ۳۰مه د چپه درې ولسوالۍ د «کندي» کلي په اړوند سیمه کې رامنځته شوې ده.

سرچینو ویلي،چې د ماشوم جسد تر اوسه نه دی موندل شوی او د هغه کورنۍ له هغو اوسېدونکو چې د سیند غاړې ته نږدې ژوند کوي، غوښتي چې د جسد په موندلو کې ورسره همکاري وکړي.

د کونړ سیمه‌ییزو طالب چارواکو تر اوسه د دې پېښې په اړه څه نه دي ویلي.

دا په داسې حال کې ده چې روان لمریز کال د هېواد په بېلابېلو سیمو کې د سیندونو او اوبو بندونو پر غاړو د اوبو لوبو پر مهال د خلکو د ډوبېدو ګڼې پېښې راپور شوې دي.

د راپورونو له مخې، بې‌احتیاطي او د سیندونو په شاوخوا کې د ژغورنې د اسانتیاوو نشتوالی د دغو مرګونو له مهمو لاملونو څخه ګڼل کېږي.

ټیم برچټ په خپله اېکس پاڼه لیکلي، چې د «ترهګرو لپاره د مالیاتو نه ورکولو» په نوم د هغه وړاندیز شوی قانون د سنا په جرګه کې ځنډېدلی دی. هغه په خپل پیغام کې زیاته کړې: «ټولو ته خبر ورکړئ چې دوی کولای شي له موږ څخه په وړیا توګه کرکه وکړي.»

د دغه امریکایي چارواکي په وینا، دا پیسې په مستقیم ډول د امریکا د مالیه ورکوونکو له جیبونو څخه ایستل کېږي او د طالبانو لاس ته ورځي. هغه له خلکو غوښتي چې د دې وضعیت په اړه ځانونه خبر کړي او د سنا د دې بې‌عملۍ په وړاندې خپل غږ پورته کړي.

برچټ ټینګار کوي چې د هغه د قانون تصویبول د دې لپاره اړین دي چې ترهګرو ډلو ته د امریکایي وګړو د مالیاتو د ورتګ مخه ونیول شي. طالبانو ته د ۴۰ میلیونه ډالرو د اونیو کڅوړو لېږل هغه موضوع ده چې تر دې وړاندې هم د یو شمېر نورو امریکایي چارواکو له توندو نیوکو سره مخ شوې ده.

تر دې وړاندې د افغانستان پخواني مرستیال ولسمشر امرالله صالح او د جمهوري نظام یو شمېر نورو لوړو پوړو چارواکو هم طالبانو ته د امریکا د دغه نغدي کځوړو په تړاو نیوکې کړې وې. صالح ویلي وو چې د دغو کڅوړو له کبله طالبانو خپل بنسټونه پیاوړي کړي او پر افغانانو یې د ژوند کړۍ نوره هم تنګه کړې ده.

د طالبانو د امربالمعروف او نهې عن المنکر وزارت د چهارشنبې په ورځ (د غويي ۳۰مه) ویلي، خالد حنفي له یو شمېر قومي مشرانو سره لیدنه کې ویلي، افغانانو د خپلو قربانیو او سرښندنو پر مټ خپله لومړنۍ موخه، چې د یهودانو ماتول وو، ترلاسه کړه؛ اوس د ټولو افغانانو مکلفیت دی چې د اسلامي شریعت د پلي کېدو لپاره په ګډه هلې ځلې وکړي.

د دغه وزارت له لوري په خپاره شوي غږیز کلپ کې خالد حنفي ویلي: «افغانانو یو هدف پوره کړ، چې د یهودانو اېستنه وه او دویم هدف چې تر هغې مهم دی د اسلامي نظام تطبیق دی. موږ او تاسو اوس په همدې ازموینه کې ښکېل او مصروف یو».

هغه د هېواد له ټولو اقشارو وغوښتل، چې د اسلامي نظام د تطبیق لپاره سره یو موټی شي.

د چارو شنونکي بیا وايي، چې افغانان له سلګونو کلونو راهیسې مسلمانان دي او له پخوا راهیسې ټولو شرعي احکامو ته درناوی لري او پر عملي کولو یې ځان مکلف ګڼي او په دې برخه کې د هېچا فرمایش ته اړتیا نه‌لري.