د افغانستان د رزمي هنرونو دوو ملي لوبغاړو روحید ستانکزي او محمد قاسمي په ازبکستان کې د ۲۰۲۶کال د اسیا د ځوانانو د رزمي هنرونو په دویم پړاو سیالیو کې دوه مډالونه وګټل. په دغه سیالیو کې روحید ستانکزي د سپینو زرو او محمد قاسمي د برونزو مډال وګاټه.
د افغانستان د ۶۰ کیلوګرامه وزن په کټګورۍ کې روحید ستانکزي د سیالیو په وروستي پړاو کې د قرغزستان او ازبکستان سیالانو ته ماتې ورکړه او پای لوبې ته یې لار وموندله؛ خو هغه په وروستۍ لوبه کې د قزاقستان د کیدر علي په وړاندې ماتې وخوړه او د سپینو زرو مډال یې ترلاسه کړ.
له بلې خوا له افغانستان نه د ۴۵ کیلوګرامه وزن په کټګورۍ کې محمد قاسمي په دغه سیالۍ کې د برونزو مډال وګاټه. هغه په خپله لومړۍ لوبه کې د تاجکستان د یعقوب تورسنزاده په وړاندې ماتې وخوړه؛ خو په دویمه لوبه کې یې د هند کوین کوپرونکو ته ماتې ورکړه او د برونزو مډال یې وګاټه.
د ۲۰۲۶کال د اسیا رزمي هنرونو په دویم پړاو سیالۍ کې د مئ له ۱۸مې تر ۲۰مې پورې په ازبکستان کې د اسیا د زرمي هنرونو ټولنې تر څار لاندې ترسره شوې. په دغه سیالیو کې له بېلابېلو اسیایي هېوادونو د رزمي هنرونو ځوانو لوبغاړو د یو بل په وړاندې سیالي وکړه.
دغه سیالۍ په دوو کټګوریو کې ترسره شوې: «عصري رزمي لوبې» او «دودیزې رزمي لوبې»؛ ترڅو په نړۍواله کچه د ځوانو لوبغاړو د وړتیاوو اندازه کولو لپاره زمینه برابره شي.
