په کونړ کې د مارکېټ پر سر جنجال؛ د طالبانو محکمې د ۳۵ زره ډالرو په بدل کې پرېکړه بدله کړې

په مشهد کې د طالبانو کونسلګرۍ نن شنبه، د غبرګولي پر ۱۶مه په اېکس کې لیکلي، چې نور محمد متوکل د ایران د خراسان رضوي ولایت له عمومي څارنوال حسن همتي‌فر سره په لیدنه کې د افغان بندیانو پر وضعیت خبرې کړې دي. یاد طالب او ایرانی چارواکی د جرمونو د مخنیوي او د عامه پوهاوي د کچې لوړولو لپاره د رغنده تعاملاتو په اړه هم غږېدلي دي.

د طالبانو جنرال کونسل او د ایران دغه قضايي چارواکی په ایران کې د مېشتو افغان بندیانو د حقوقي ملاتړ د لارو چارو او د قانوني پروسو د اسانولو لارې چارې ارزولې دي، څو په ایران کې د بندي افغانان لېږد بهیر ګړندی شي.

تر دې وړاندې هم په ایران کې د افغان بندیانو د برخلیک او د هغوی د لېږد په اړه د طالبانو او ایراني چارواکو ترمنځ بېلابېلې لیدنې شوې دي. دواړه لوري هڅه کوي چې د دوه اړخیزو هوکړو له لارې د بندیانو د لېږد لړۍ روانه وساتي.

دا لیدنه په داسې حال کې کېږي چې په وروستیو کې په ایران کې د افغان وګړو د نیولو او د هغوي اېستلو پروسه چټګه شوې ده.

د طالبانو سفارت په یوه خبرپاڼه کې ویلي چې ګل حسن حسن د روسیې د صدراعظم له مرستیال الیکسي اوورچوک، د روسیې د سوداګرۍ او صنایعو خونې له مشر سرګي کاتیرین او یو شمېر نورو روسي چارواکو سره جلا جلا لیدنې ترسره کړې دي.

د خبرپاڼې له مخې، په دغو لیدنو کې د دواړو لورو ترمنځ د اقتصادي او سوداګریزو همکاریو د پراخولو، د افغانستان او روسیې د خصوصي سکټورونو ترمنځ د اړیکو د پیاوړتیا او د افغان سوداګرو لپاره د لا ډېرو اسانتیاوو او فرصتونو د برابرولو پر موضوعاتو بحث شوی دی.

سفارت زیاتوي چې په دغو کتنو کې په سنټ پیټرزبورګ ښار کې د مېشتو افغانانو او افغان محصلانو د ستونزو او د هغوی د ملاتړ پر لارو چارو هم خبرې شوې دي.

دا لیدنې داسې مهال ترسره کېږي چې طالبان له روسیې سره د اقتصادي او سوداګریزو اړیکو د پراختیا هڅې ګړندۍ کړې دي. د سنټ پیټرزبورګ نړیوال اقتصادي فورم د روسیې له مهمو کلنیو اقتصادي غونډو څخه شمېرل کېږي، چې د بېلابېلو هېوادونو چارواکي، پانګوال او سوداګریز استازي پکې ګډون کوي.

کرزي همداراز غوښتي چې د افغان نجونو پرمخ دې د تعلیم دروازې پرانیستل شي او ورته تحصیلي فرصتونه دې په هېواد دننه ورته برابر شي.

هغه د انجونو د ښوونځیو او پوهنتونونو د بیا پرانیستل کېدو غوښتنه کړې او ویلي یې دي چې افغانې نجونې باید په خپل هېواد کې د زده‌کړو حق او فرصت ولري.

حامد کرزي دغه څرګندونې پر ایکس پاڼه په یوه خپاره کړي پیغام کې کړي. نوموړي ویلي چې د قطر ددغه برنامې له لارې ۷۴ افغانې نجونې وتوانېدې چې د امریکا له بېلابېلو پوهنتونونو څخه خپلې لوړې زده‌کړې بشپړې او فارغې شي.

پخواني ولسمشر د دغو محصلینو پر فراغت خوښي څرګنده کړې، هغوی ته یې مبارکي ویلې او د افغان نجونو د زده‌کړو د دوام لپاره یې د ټولو هغو بنسټونو او ادارو د هڅو ستاینه کړې چې په دې برخه کې فعالیت کوي.

کرزي ټینګار کړی چې د هېواد د پرمختګ او ودې لپاره اړینه ده چې روزل شویو او مسلکي کدرونو ته د کار مناسب فرصتونه برابر شي.

قطر د فنډ بیست یا غوره روزنې بنسټ له لارې ۴۲۶افغان نجونو ته د امریکا په ۲۷پوهنتونونو کې د زده کړو فرصت برابر کړی چې له دې ډلې ۷۴یې دوه ورځې وړاندې فارغې شوې.

د یاد ریاست په خبره دغه سیالۍ د اوبو د ورزشونو فدراسیون په همکارۍ د ماشومانو، تنکیو ځوانانو او ځوانانو د درېیو عمرونو په ډلبندۍ کې د ازادې لامبو په برخه کې جوړې شوې وې.

هرات کې د طالبانو د بدني روزنې، ورزش او المپیک رییس عبدالرحیم رحماني ویلي چې په دغو سیالیو کې ۶۰ لامبو وهونکو د بېلابېلو ګروپونو په چوکاټ کې له یو بل سره سیالۍ ترسره کړي.

د ده په وینا، په پای کې د هر عمر له ډلې درې غوره لوبغاړي د لومړي، دویم او درېیم مقام ګټونکي شوي او د قهرمانۍ مډالونه یې ترلاسه کړي.

د سیالیو تنظیموونکو ویلي چې د دې جام موخه د غوره استعدادونو پېژندنه او د ځوانانو هڅونه ده.

د یاد وزارت په خبرپاڼه کې چې شنبه(د غبرګولي۱۶مه) خپره شوې راغلي چې دغه کسان په ننګرهار، جوزجان، بلخ، کندهار، لغمان، غزني، پکتیا، پروان، کاپیسا او سمنګان ولایتونو کې نیول شوي دي.

د کورنیو چارو وزارت زیاتوي چې له نیول شویو کسانو څخه نږدې ۲۰۰۰ دانې نشه‌یي ګولۍ، او همداراز یو اندازه تریاک، شیشه او چرس هم ترلاسه شوي دي.

د خبر له مخې، له لومړنیو څېړنو وروسته به د دغو کسانو دوسیې عدلي او قضایي ارګانونو ته وسپارل شي.