د سپینې ماڼۍ یو چارواکی: ټرمپ له ایران سره د تفاهم یادښت لاسلیک کړ
د سپینې ماڼۍ یوه چارواکي رویټرز خبري اژانس ته ویلي، چې «ټرمپ د چهارشنبې په ورځ د تفاهم یو یادښت لاسلیک کړ چې له ایران سره د جګړې د پای ته رسولو په موخه چمتو شوی دی». د دغه تفاهم یادښت ۱۴ مادې لري.
د ایران له سپاه پاسداران سره تړلي تسنیم خبري اژانس هم مرکچي پلاوي ته د یوې نږدې سرچینې له قوله راپور ورکړی، چې د دې تفاهمنامې فارسي متن د یوه رسمي سند په توګه د امریکا او ایران لهخوا لاسلیک شوی دی.
تر دې یو څو ساعته مخکې د ایران د بهرنیو چارو وزارت ویاند اسماعیل بقایي ویلي: «احتمالاً اوس د اسلاماباد د تفاهمنامې متن د ایران او امریکا د ولسمشرانو لهخوا لاسلیک شوی وي. د دې تفاهمنامې متن اوس په رسمي توګه وروستی شوی دی، ځکه چې دواړو لورو لاسلیک کړی دی. پریکړه شوې وه چې دا تفاهمنامه په ډیجیټل بڼه لاسلیک شي».
هغه خبرداری ورکړی وو، کله چې تفاهمنامه د دواړو هېوادونو د ولسمشرانو لخوا لاسلیک شي، نو نقض کول به یې ډېر لګښت او عواقب ولري.
امریکا بالاخره له ایران سره د تفاهم د یادښت رسمي متن خپور کړ | افغانستان انټرنشنل پښتو
د یادونې وړ ده، چې امریکا د تفاهم د یادښت له لاسلیک څو ساعته مخکې ۱۴ مادهییزه د تفاهم یادښت په رسمي بڼه خپور کړی وو.
