د هرات یوه اوسېدونکې: طالبان ښځې د حجاب سربېره هم نیسي
د هرات د ګذرې ولسوالۍ یوې اوسېدونکې افغانستان انټرنشنل ته په رالېږلي پیغام کې ویلي، چې په دغه ولایت کې د طالبانو لهخوا ښځې حتی د حجاب په مراعتولو سره هم نیول کېږي.
د هرات د ګذرې ولسوالۍ یوې اوسېدونکې افغانستان انټرنشنل ته په رالېږلي پیغام کې ویلي، چې په دغه ولایت کې د طالبانو لهخوا ښځې حتی د حجاب په مراعتولو سره هم نیول کېږي.
د هغې په وینا؛ که څه هم ښځې بشپړ حجاب مراعتوي، خو طالبان ترې غواړي چې باید لوی پړونی (چادرنماز) هم واغوندي؛ خو کله چې ښځې دا هم اغوندي، بیا هم د «بد حجابۍ» په تور نیول کېږي.
هغې ویلي، چې د دغه وضعیت له امله خلک او په ځانګړې توګه ښځې له ژوند څخه زړه تورې شوې او په ټول ښار کې لاهم د وېرې فضا خوره ده. دا په داسې حال کې ده، چې په وروستیو کې په هرات کې د طالبانو لهخوا پر ښځو سخت بندیزونه لګول شوي او د «بد حجابۍ» په تور لسګونه ښځې نیول شوې هم دي.
دغه اقداماتو د هرات په ګډون په نړۍواله کچه د خلکو پراخ غبرګونونه راپارولي دي.
