د طالبانو استخباراتو له تېرو دوو میاشتو راهیسې په هلمند کې یو پخوانی نظامي زنداني کړی

د سیمې خلکو افغانستان انټرنشنل ته د ویډیوګانو په استولو سره ویلي، دغه ځمکې د طالب چارواکي ابراهیم صدر د خپلوانو له خوا وېشل کېږي.

د زمري کلاچې سیمې اوسېدونکو ادعا کړې، چې د لښکرګاه ښار په ختیزه برخه کې د اسحاقزیو اړوند ځمکې، چې د محمد ظاهرشاه د واکمنۍ پر مهال جوړ شوی د اوبولګولو لوی کانال هم ترې تېرېږي، د طالبانو د سیمه ییزو چارواکو له لوري پر خپلو جنګیالو ویشل کیږي.

طالبانو پر دغو ځمکو د جوړو شویو کورونو د نړولو لپاره سیمې ته بلدوزر او نور تجهیزات راوستي وو، چې خلکو یې پر وړاندې غبرګون وښود. د محلي خلکو په وینا، د اعتراضونو پرمهال د سیمې شاوخوا ۳۰ مشران هم نیول شوي او اوس مهال د طالبانو په بند کې دي.

د سیمې خلک ادعا کوي چې د دوشنبې پر سهار په همدې سیمه کې د یو شمېر اوسېدونکو کورونه نړول شوي او د طالبانو د ډزو له امله «درې ملکي وګړي وژل شوي او ۱۶ نور ټپیان» دي.

دځایې خلګو په وینا، د هلمند ښاروال او یو بل کس، چې د رازمحمد په نوم یادېږي، خلکو ته ویلي چې سیمه پرېږدي او هڅه کوي دغه ځمکې د خلکو له ولکې وباسي.

یادو اوسیدونکو د طالب چارواکو دا اقدام د طالبانو د مشر هبت الله اخوندزاده له امر سره تړلی بللی دی.

سرچینې زیاتوي، یادې ځمکې د طالبانو جنګیالیو ته د استوګنیزو نومرو په ډول سپارل کېږي.

تر اوسه طالبانو د دغو ادعاوو په اړه رسمي غبرګون نه دی ښودلی او نه یې هم د اعتراضونو پرمهال د مرګ ژوبلې پخلی کړی دی.

هدفین چې دوې اونۍ وړاندي اقغانستان ته تللی، وایي، غواړي د واخان سخت او غرنی مسیر هم د بایسکل په وسیله ووهي.

هغه د طالبانو اړوند رسنیو ته ویلي، چې افغانستان د طبیعي ښکلاوو هېواد دی او غرونه، شنې درې او ښکلې هوا یې د سیلانیانو لپاره ځانګړی جذابیت لري.

د بدخشان شهر بزرگ ولسوالۍ، چې د واخان پر لور د تګ له مهمو سیمو څخه ده، په وروستیو کې د ګڼ شمېر کورنیو او بهرنیو سیلانیانو د پام وړ ګرځېدلې ده.

د معلوماتو له مخې، دغه ولسوالۍ هره ورځ د سلګونو سیلانیانو کوربه وي.

د طالبانو ویاند زیاته کړې، چې د افغانستان خلک د خپلې خاورې د دفاع په برخه کې ډېر پیاوړي دي او که د هوا له لارې وي او که پر ځمکه، د دغه برید غچ به اخلي او د دې لپاره بدیلې لارې لري.

هغه وویل، افغانستان به په نږدې راتلونکې کې داسې وړتیا هم ترلاسه کړي چې له هر ډول احتمالي تجاوز مخکې بریدونه دفع کړي.

مجاهد خبرداری ورکړ، چې څوک افغانستان ته په کمه سترګه وګوري، پښېمانه به شي او پاکستان د هغو هېوادونو په څېر ځواکمن نه دی چې په افغانستان کې یې ماتې خوړلې ده.

د هغه په وینا، «دا بې منطقه استدلال دی چې په کراچۍ، کویټه او پېښور کې هره چاودنه له افغانستان سره وتړل شي».

مجاهد وايي، پاکستان باید د خپل هېواد دننه د ټي ټي پي پر ضد عملیات وکړي، نه دا چې پړه پر افغانستان واچوي.

هغه د طالبانو اړوند امید راډیو ته ویلي، چې په وروستیو بریدونو کې عام وګړي، ماشومان، ښځې او سپین ږیري په نښه شوي دي.

د طالبانو د بهرنیو چارو وزارت نن دوشنبه، د چنګاښ پر ۸مه وویل، چې تېره شپه د پاکستان پوځ د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر کورونو هوايي بریدونه کړي دي.

د طالبانو د بهرنیو چارو وزارت په وینا، په دغو بریدونو کې د ښځو او ماشومانو په ګډون لږ تر لږه ۳۶ تنه عام ولسي وګړي وژل شوي او ۱۶۳ تنه نور ټپیان شوي دي.

طالبانو دا بریدونه د نړیوالو اصولو، بشري قوانینو او د هېوادونو د ملي حاکمیت ښکاره نقض بللی او په سختو ټکو یې غندلي دي.

بل لوري ته، د پاکستان د بهرنیو چارو وزارت په کراچۍ کې د پاکستان رینجرز پر کمپ باندې د وروستي برید په غبرګون کې د طالبانو شارژدافیر احضار کړی او خپل اعتراض یې ورته سپارلی دی.

اسلام‌اباد ادعا کوي چې په دغه برید کې افغان وګړي ښکېل وو او یو بریدګر ژوندی نیول شوی دی.

د طالبانو د بهرنیو چارو وزارت د پاکستان دغه تورونه رد کړي او ویلي یې دي چې دا لومړی ځل نه دی چې د پاکستان پوځي رژیم د خپلې خاورې دننه امنیتي پېښې او بریدونه بې له کومو معتبرو سندونو او شواهدو په افغانستان پورې تړي.

طالبانو د پاکستان دا چلند د خپلو امنیتي او سیاسي ناکامیو د پټولو هڅه بللې او زیاته کړې یې ده چې د زور او نظامي لارو چارو کارول د ستونزو حل نه دی، بلکې د دواړو هېوادونو ترمنځ باور، ګاونډیتوب او د سیمې امنیت ته جدي زیان رسوي.

د طالبانو او پاکستان ترمنځ دغه پوځي کړکېچ په داسې حال کې زیاتېږي چې تر دې وړاندې هم پاکستاني ځواکونو د افغانستان پر بېلابېلو ولایتونو هوايي بریدونه کړي وو، چې له امله یې ملکي وګړي ووژل شول.

د خبرپاڼې له مخې؛ د طالبانو له بیا واکمنېدو وروسته د افغانستان د ښځو وضعیت په بې‌سارې توګه کړکېچن شوی او مېلیونونه ښځې او نجونې له خپلو بنسټیزو حقونو بې‌برخې شوې دي. دغه غورځنګ ټینګار کړی، چې یادو سیاستونو نه یوازې د بشري حقونو پراخې سرغړونې رامنځته کړې؛ بلکې د هېواد بشري او اقتصادي کړکېچ یې هم ژور کړی دی.

یاد غورځنګ د نړۍوالې ټولنې د یوې برخې له‌خوا له طالبانو سره د تعامل او دغه ډلې ته په نړۍوالو غونډو کې د بلنې ورکولو په اړه هم اندېښنه څرګنده کړې او ویلي یې دي، چې د افغانستان خلک او په ځانګړې توګه ښځې باید د سیاسي موخو قرباني نه‌شي.

په اعلامیه کې له ملګرو ملتونو، د بشري حقونو نړۍوالو بنسټونو او حکومتونو غوښتنه شوې، چې د اندېښنې له څرګندونو دې تېر شي؛ بلکې د افغانستان د ښځو د بنسټیزو حقونو خوندي کولو لپاره بېړني، عملي او اغېزمن ګامونه پورته کړي او د بشري حقونو د پراخو سرغړونو عاملین حساب‌ ورکوونې ته اړ کړي.

دغه غورځنګ په پای کې ویلي، چې د افغان ښځو پر وړاندې د روان وضعیت په اړه د نړۍوالې ټولنې چوپتیا د یادې ټولنې اعتبار تر پوښتنې لاندې راولي. د دغه غورځنګ په وینا؛ «د نن ورځې چوپتیا له هغه ظلم سره ملګرتیا ده، چې هره ورځ د افغانستان پر ښځو په زور منل کېږي».