سياېناېن: د امریکا د جنګ وزیر به د چهارشنبې په ورځ د لومړي ځل لپاره اسراییل ته سفر وکړي
سياېناېن د درېیو باخبره سرچینو له قوله راپور ورکړی، چې د امریکا د جنګ وزیر پیټ هېګست په پام کې لري د چهارشنبې په ورځ د لومړي ځل لپاره اسراییل ته سفر وکړي. تر اوسه څرګنده نه ده چې پر ایران د امریکا د تېرې شپې له بریدونو وروسته به په دې سفر کې کوم بدلون راشي او که نه.
د راپور له مخې، ټاکل شوې ده چې هېګست د اسراییل له لومړي وزیر بنیامین نتنیاهو او د دغه هېواد د دفاع له وزیر یسراییل کاتز سره وګوري.
د سياېناېن د راپور له مخې، د دې سفر له مهمو موخو څخه یوه هم د هغو اندېښنو کمول دي چې اسراییل یې ترکیې ته د پرمختللو ایف-۳۵ پټو جنګي الوتکو د احتمالي پلور په اړه لري.
