مېرڅ: د ایران له لوري د اوربند تر نقض وروسته د امریکا پوځي ځواب پرځای و
د جرمني لومړي وزیر فریدرېښ مېرڅ ویلي، د جرمني په باور ایران د اوربند تړون مات کړی او د امریکا هغه پوځي ځواب، چې د ولسمشر ډونالډ ټرمپ په امر ترسره شو، پر ځای و.
مېرڅ د چهارشنبې په ورځ په انقره کې د ناټو سرمشریزې په څنډه کې وویل، تهران د اوربند له هوکړې سرغړونه کړې او له همدې امله د امریکا پوځي اقدام د توجیه وړ و.
هغه همداراز ټینګار وکړ چې له ایران سره باید داسې یوه هوکړه وشي چې د دغه هېواد اټومي پروګرام د تل لپاره پای ته ورسوي.
د جرمني لومړي وزیر زیاته کړې، په هر ډول راتلونکې هوکړه کې باید دا هم تضمین شي چې د هرمز تنګی د نړیوالې بېړۍ چلونې پر مخ د تل لپاره پرانیستی پاتې شي.
