امرالله صالح: پاکستان بالاخره درې لسیزې وروسته اعتراف وکړ چې طالبان مشروعیت نه لري

د هند د کرنې او بزګرانو د هوساینې وزارت د چهارشنبې په ورځ (د چنګاښ ۱۷مه) د یوې خبرپاڼې په خپرولو سره ویلي، په دې کتنه کې دواړو لورو د کرنې د څېړنو، کرنیزو زده کړو، کیفیت لرونکو تخمونو، د کرنې د عصري لارو چارو، اوبو لګولو، د اوبو د اغېزناکې کارونې، د ظرفیتونو د لوړولو، د للمي کرنې او د کمو اوبو لرونکو سیمو لپاره د اقلیم پر وړاندې د مقاومت لرونکي کرنې په تړاو د هند او افغانستان ترمنځ د همکاریو پر پیاوړتیا خبرې کړې دي.

په خبرپاڼه کې راغلي: «دا خبرې اترې د کرنې په برخه کې د همکاریو د ژورولو او په هند او افغانستان کې د بزګرانو د ګټو لپاره د تلپاتې کرنیزې پراختیا د رامنځته کولو په موخه د دواړو هېوادونو کلک هوډ څرګندوي».

د یادونې وړ ده، عطاءالله عمري د سې‌شنبې په ورځ (د چنګاښ ۱۶مه) د یوه پلاوي په مشرۍ نوي ډیلي ته تللی دی.

دا د پاکستان او طالبانو تر منځ د اړیکو له ترینګلتیا وروسته د طالبانو څلورم وزیر دی، چې نوي ډیلي ته سفر کوي.

د طالبانو د کرنې وزیر په ډیلي کې د هند د بهرنیو چارو وزارت له مرستیال سره لیدلي | افغانستان انټرنشنل پښتو

طالبانو له پاکستان سره د اړیکو له خرابېدو وروسته د هند په ګډون د سیمې له نورو هېوادونو سره راشه درشه ډېره کړې ده.

په یو رسمي پیغام کې، چې د چنګاښ په ۱۷مه خپور شوی، د افغانستان د اسلامي جمهوریت د سیاسي او قونسلي استازولیو د همغږۍ شورا د شاپور ځدراڼ کورنۍ، خپلوانو، د هېواد د کریکټ ملي لوبډلې غړو او ټولو ورزش‌پالو ته خپله ژوره خواخوږي او تسلیت وړاندې کړی دی.

د همغږۍ شورا په خپل پیغام کې زیاته کړې، چې ارواښاد شاپور ځدراڼ د خپل ځانګړي استعداد، ملي ژمنتیا او نه ستړې کېدونکو هڅو له لارې د نورو غښتلو لوبغاړو تر څنګ، په نړیوالو ډګرونو کې د افغانستان ملي بیرغ رپانده وساتلی و. د دغې شورا په وینا، نوموړي د افغانستان د کرېکټ په نړیوال معرفي کولو کې خورا ارزښتمنه او تاریخي ونډه درلوده او د هغه میراث به د هېواد د ورزشي تاریخ یوه روښانه برخه پاتې شي.

د دغه پخواني ملي لوبغاړي مړینې په کورني او نړیوال کچه د کریکټ مینه وال او لوبغاړي د خپګان په ټغر کېنولي دي. د افغانستان کرېکټ بورد هم د نوموړي د مړینې له امله د درناوي او همدردۍ په توګه د اشپګیزه کریکټ لیګ سیالۍ د دوو ورځو لپاره وځنډولې ترڅو د هېواد د دغه پخواني ستوري له کورنۍ سره غمشریکي وشي.

له بلې خوا، د شاپور ځدراڼ جسد نن له هندوستان څخه کابل ته انتقال شو او هلته د کرېکټ د اوسنیو او پخوانیو ستورو، د ورزشي ادارو د مسوولینو او په سلګونو مینه والو له خوا یې تود هرکلی وشو. د کرېکټ د دغه پیاوړي لوبغاړي جسد د کابل په هوایي ډګر کې د هغه د هم‌لوبو او مینه والو پر اوږو بدرګه شو او د خاورو ته سپارلو لپاره چمتو شو.

د طالبانو د سمنګان د امنیه قوماندانۍ ویاند، حشمت‌الله رحماني، ویلي چې دغه پېښه د سې‌شنبې په ورځ، د چنګاښ په ۱۶مه، رامنځته شوې ده.

د هغه په وینا، د مړه شوي کان‌کیندونکي جسد له کان څخه رایستل شوی او د دره‌صوف بالا ولسوالۍ د اوسېدونکي کارګر جسد یې خپلې کورنۍ ته سپارلی دی.

دا لومړی ځل نه دی چې د افغانستان د ډبرو سکرو په کانونو کې ورته مرګونې پېښې رامنځته کېږي. تر دې وړاندې هم د هېواد په بېلابېلو کانونو د لوېدو او نورو پېښو له امله ګڼو کان‌کیندونکو خپل ژوند له لاسه ورکړی دی.

د کارپوهانو په باور، د خوندیتوب د معیاري تدابیرو نشتوالی، د مناسبو تجهیزاتو کمښت او د ژغورنې د امکاناتو نشتون د دغو مرګونو پېښو له مهمو لاملونو څخه ګڼل کېږي.

د نورستان ځايي طالب مسوولین وايي، دغه مرستې نن (چهارشنبه د چنګاښ ۱۷مه) په مرکز پارون ښار کې پر زرو بې‌وزلو، اړمنو، بې‌ځایه شویو او راستنېدونکو کورنیو په شفاف ډول وېشتل شوي دي.

د یاد خیره بنسټ د مسوولینو په وینا، پر هرې کورنۍ ۵۰ کیلو اوړه، ۵ لیټره غوړي، ۵،۵ کیلو بوره، ۵ کیلو لوبیا او ۵ کیلو وریژي وېشل شوي او همداراز یې د مرستو د دوام ژمنه هم وکړه.

د دغو مرستو ترلاسه کوونکو له یادو مرستو خوښي څرګنده کړه او د ملک سلمان خیریه بنسټ له مسوولینو څخه یې مننه وکړه، چې په دې سخت وخت کې یې لاسنیوی وکړ.

دوی له نورو مرستندویه بنسټونو د ورته مرستو غوښتنه وکړه.

مېرمن کوفي ټینګار کړی چې په دغه هېواد کې د تلپاتې او هراړخیزو روغتیايي خدماتو وړاندې کول د ښځینه ډاکټرانو، نرسانو او قابلو له فعال شتون او ګډون پرته هېڅکله ممکن نه دی.

فوزیه کوفي په خپلو څرګندونو کې ویلي چې د پولیو یا ګوزڼ ناروغۍ د له منځه وړلو او د نورو لومړنیو روغتیايي خدماتو د رسولو لپاره د ښځو لاسرسی، پوهاوی او د تصمیم نیونې له مرحلې نیولې تر پلي کېدو پورې په ټولو پروسو کې د هغوی ونډه حیاتي ده. هغې زیاته کړې، دا تمه کېږي هغه ښځې چې تر هر نوم لاندې افغانستان ته سفر کوي، باید د طالبانو د واکمن روایت پر وړاندې په کلکه ودرېږي او هغه وننګوي.

دې پخوانۍ افغان سیاستوالې خبرداری ورکړی چې په هېواد کې روان وضعیت باید عادي ونه ښودل شي او یوازې د بودیجې کمښت د اصلي ستونزې په توګه معرفي نه شي. د مېرمن کوفي په وینا، څومره چې ښځې له زده کړو او کاري ځواک څخه لرې ساتل کېږي، په هماغه اندازه به افغانستان له سختو اقتصادي ستونزو او بحران سره مخامخ شي.

دا غبرګون په داسې حال کې څرګندېږي چې په افغانستان کې د طالبانو د واکمنۍ له پیل راهیسې پر ښځو او نجونو باندې په بېلابېلو برخو کې سخت محدودیتونه لګول شوي او هغوی د زده کړو او کار له ډېرو حقونو بې‌برخې شوې دي. کوفي ټینګار کړی چې د ښځو د حقونو نادیده نیول به د هېواد پر ټولنیز او اقتصادي جوړښت باندې ویجاړونکي اغېزې ولري.

له بلې خوا، د روغتیا نړیوال سازمان د ختیځې مدیترانې د سیمې مشرې حنان بلخي افغانستان ته د خپل تازه سفر په لړ کې خبرداری ورکړی و چې د ۲۰۲۶ کال له پیل څخه تر اوسه په افغانستان کې شاوخوا ۱۵۰ روغتیايي مرکزونه د بودیجې د سخت کمښت له امله تړل شوي یا یې فعالیتونه ځنډول شوي دي. د هغې په وینا، د دې وضعیت دوام د میلیونونو کسانو روغتیايي خدماتو او واکسیناسیون ته لاسرسی له جدي خطر سره مخامخ کړی دی.