د سویس فوټبال ملي لوبډلې د ۲۰۲۶کال نړۍوال جام د ۱۶ غوره لوبډلو په پړاو کې له کولمبیا سره تر ۱۲۰ دقیقو مساوي لوبې وروسته، د پنالټیو په وهلو کې د ۴–۳ امتیازونو په توپیر بریا خپله کړه. سویس له دغه بریا سره د ۱۹۵۴کال نړۍوال جام وروسته د لومړي ځل لپاره کوارټر فاینل ته لار ومونده.
د پنالټیو پرمهال د سویس ګولساتونکي ګرګور کوبل د کوچو هرناندېز پنالټي ونیوله او د کولمبیا بل لوبغاړي داوینسون سانچس خپله پنالټي خطا کړه. وروسته د سویس لوبغاړي روبن وارګاس وروستۍ پنالټي په ګول بدله کړه او د سویس تاریخي بریا یې یقیني کړه.
وارګاس له لوبې وروسته وویل: «موږ په ټولو ۱۲۰ دقیقو کې خپله ټوله هڅه وکړه. د یوه پیاوړي سیال پر وړاندې مو لوبه وکړه او اوس مو تاریخ جوړ کړ». سویس چې تر دې وړاندې په څلورو پرلهپسې نړۍوالو جامونو کې د شپاړس غوره لوبډلو له پړاو څخه بهر شوی و اوس به د شنبې په ورځ د ۲۰۲۶کال نړۍوال جام د ۸ غوره لوبډلو پړاو (کوارټر فاینل) په لوبه کې له ارجنټاین سره مخامخ شي.
