ایراني رسنۍ: امریکا د چابهار پر دوو بندري تمځایونو او د سمندري څار پر برج برید کړی
د ایران دولتي راډیو او ټلوېزیون خبر ورکړی، چې د امریکا د برید په ترڅ کې د چابهار د شهید بهشتي بندري تمځای، د کلانتري بندري تمځای او د سمندري تګ راتګ د کنټرول برج په نښه شوي دي او دغو تاسیساتو ته زیان اوښتی دی.
دغه راپور په داسې حال کې خپور شوی چې د ایران په سوېل کې د امریکا بریدونه لا هم روان دي. تر اوسه امریکايي چارواکو د دې راپور په اړه کومه رسمي څرګندونه نه ده کړې.
